Клопп Гакпонинг "Ливерпул"га ўтишида муҳим роль ўйнади

Коди Гакпонинг "Ливерпул"га ўтишида Юрген Клопп муҳим аҳамият касб этди.

Журналист Фабрицио Романонинг ёзишича, "Ливерпуль" бош мураббийи Гакпо билан музокараларда ҳал қилувчи ролни ўйнаган.

Клопп жароҳатланган футболчилар кўпайиб кетгани боис "Ливерпул"дан янги вингер харид қилишни сўради. Мураббийнинг хоҳишидан келиб чиқиб, клуб раҳбарияти тезкорлик билан ҳаракатга тушди.

"Ливерпуль" тезда Гакпони жамоага қўшилишга кўндирди – бир йил олдин Луис Диас худди шу йўсинда жамоага келиб қўшилганди. Коди бўйича ПСВ билан шартнома аллақачон ёпилган.

Хабар қилинишича, Гакпо "Ливерпуль" билан 6 йиллик келишув имзолайди. У учун бонусларсиз 37 миллион фунт тўланади.

Кеча ПСВ Гакпо трансфери бўйича "Ливерпуль" билан келишувга эришганини эълон қилди.

Гакпо жорий мавсум ПСВ сафида 24 та ўйинда 13 та гол урди ва 17 та голли узатмани амалга оширди. У ЖЧ-2022да 5 та ўйинда иштирок этиб, 3 та тўп киритди.