"Кимгадир қилган яхшилигингиз бир кун келиб сизга қайтишига ишонамиз..."

22 ёшли Николина Радунович қўл телефонининг ғилофида Синиша Михайловичнинг сурати тасвирланган. "У касалликка чалинганини эшитиб, ўзимни йўқотиб қўйдим. Хурсандчилик ҳам кўнглимга сиғмади, дўстларим билан гаплашишни ҳам истамадим. Ахир Синиша ҳаётимни сақлаб қолган-ку".

Николина юрак касаллиги билан дунёга келганди. Жарроҳлик операциясини ўтказиш зарур бўлган пайтда у тўрт ярим ёшда эди. Аммо ота-онаси оғир шароит туфайли оперция учун пул топа олмаётган эдилар. Улар дўсти, ватандоши Михайловичдан ёрдам сўрашди. Синиша пулнинг асосий қисмини ўзи берди, қолганига эса "Лацио" футболчилари ёрдам беришди. 2001 йилда Николинанинг операцияси ижобий натижа билан якунланди.

"Шунча ишлар бўлиб ўтди, лекин мен у билан юзма-юз учрашолмадим", — дейди қиз. "Мен уни бағримга босиб, бирор нима қилиб бўлса-да ёрдам беришни истайман. Ҳаётда ҳеч қачон кўрмаган инсоним менга шу қадар қарлики, тасаввур қила олмайсиз. У соғайиб кетади деб умид қиламан. Қачонлардир кимгадир қилган яхшилигингиз бир кун сизга қайтишига ишонаман. У учун ҳар куни дуодаман".

Эслатиб ўтамиз, "Болонья" мураббийи июль бошларида рак касалига чалингани маълум бўлди.

Нозима Зарипова таржимаси