Кейн АПЛга қайтиши мумкин. "Бавария" қўйиб юборадими?
25 апр 2025 15:37
Янгиликлар

Кейн АПЛга қайтиши мумкин. "Бавария" қўйиб юборадими?

Мюнхеннинг "Бавария" клуби ҳужумчиси Ҳарри Кейн ёзда Англия Премьер-лигасига қайтиши мумкин.

Форвард "Бавария"да ақл бовар қилмас формада – Кейн немис жамоасидаги биринчи мавсумида Бундеслигада 36 та гол урди ва Европанинг "Олтин бутсаси"ни қўлга киритди.

Кейн "Бавария" учун муҳим ўйинчи бўлишига қарамай, Премьер-лигага қайтиши мумкин. 31 ёшли футболчига "Ливерпуль", "Челси" ва "Астон Вилла" клублари қизиқиш билдирмоқда.

Қайд этилишича, англиялик форвард ўз чемпионатига қайтишни истаса, клуб унинг йўлига тўсиқ қўймайди.

Кейн учун қўшимча мотивация – 260 та гол билан АПЛ тўпурари бўлиб турган Алан Ширернинг рекордини янгилаш. Рекордни янгилаш учун у 47 та гол уриши керак.

Ҳавола :

Манба : Football London

Янгиликларни Телеграмда ўқинг!

Рейтинг: +1