Бу йилги финалда "Пахтакор" ва АГМК жамоалари ўзаро тўқнаш келадиган бўлди. Шу билан бирга мазкур жуфтлик кетма-кет учинчи бор финалда куч синашади. 2018 йил Фарғонада ўтказилган учрашувда АГМК 3:1 ҳисобида ғалаба қозонган бўлса, ўтган йили "Локомотив" стадиони мезбонлик қилган ўйинда Шота Арвеладзе шогирдлари 3:0 натижасида устун келган эди. Бундай ҳолат 2007, 2008, 2009 йилларда "Бунёдкор" ва "Пахтакор" ўртасида ҳам рўй берган, уларнинг иккитасида "шерлар" зафар қучган, битта баҳсда эса "қалдирғочлар" зафар қучган.
