Карикатура. “Навбаҳор” аждарни икки бошидан жудо қилди. Бугун нима бўлади?
25 апр 2018 09:18
Янгиликлар

Карикатура. “Навбаҳор” аждарни икки бошидан жудо қилди. Бугун нима бўлади?

Суперлиганинг 8-турида бугун “Навбаҳор” Тошкентда “Пахтакор” меҳмони бўлади. Мазкур учрашув учун Ҳасан Маҳмудов ўз суратини тақдим этди.

Суратда Тошкент аждари акс этган бўлиб, унинг икки боши узилганини кўриш мумкин. Боиси “Навбаҳор” ўз майдонида аввалига “Локомотив”ни (2:0), кейин эса “Бунёдкор”ни (2:1) таслим қилди. Хўш, бугун кимнинг қўли баланд келади?

“Навбаҳор” қаҳрамонининг қўлида “12” рақами туширилган қилич бор. Бу клуб мухлисларига ишорадир. Намангандаги ўйинда улар ғалабанинг асосий омили бўлди. Тошкентда-чи? Сизнингча бугун “Пахтакор” стадионида неча минг мухлис “Навбаҳор”ни қўллаб-қувватлайди?

Ҳа, айтганча, “Навбаҳор” қаҳрамонининг қўлидаги қиличдан ташқари бокс қўлқопларига ҳам эътибор қаратиш мумкин. Бу Ойбек Қиличев. Агар у ҳам таркибга қайтадиган бўлса, “Навбаҳор”да қуроллар сони яна 1 тага ошиши мумкин.

Ҳавола :

Манба : Championat.asia

Янгиликларни Телеграмда ўқинг!

Рейтинг: +96