UZ

Сўнгги янгиликлар

00:49Шахзод Азмиддинов "Пахтакор" билан хайрлашди  4 00:15Ўзбекистон U-17 терма жамоаси "Чертаново" билан дуранг ўйнади  7 23:57"Реал" Конатени нишонга олди  2 23:28"Пахтакор" бугун Камолиддин Тожиевни бош мураббий этиб тайинлади, аммо унда Про лицензияси йўқ  2 23:14Расман: "Арсенал" Гёкерешни 63,5+10 млн еврога сотиб олди  4 22:58Гёкереш тиббий кўрикдан ўтди ва "Арсенал" билан шартнома имзолади (Фабрицио Романо)  2 22:35Назорат ўйини. "Нефтчи" ФарДУни аяб ўтирмади, Нимели ва Марушичдан дубль  6 22:17Александар Митрович - "Манчестер Юнайтед"нинг янги мақсади  1 21:45Назорат учрашуви. "Пахтакор" ва "Бунёдкор" жамоалари ўртасидаги ўйинда ғолиб номи аниқланмади  8 21:22"Тоттенхэм" Родриго учун курашга киришди  1 20:47"Манчестер Сити" Эдерсонни сотишга тайёр  2 20:20Ўртоқлик ўйини. "Сурхон" "Бухоро"дан устун келди  7 19:58"Ливерпуль" Англия терма жамоаси вингерини нишонга олди  3 19:00Ўртоқлик ўйини. "Милан" Гонконгда "Ливерпул"ни мағлуб этди  4 18:40"Реал" "Арсенал" билан учрашув учун делегация тайёрламоқда  10

Канчельскис Наманган ҳокими ва "Навбаҳор" мухлислари ҳақида гапирди Янгиликлар

Канчельскис Наманган ҳокими ва "Навбаҳор" мухлислари ҳақида гапирди

"Навбаҳор" собиқ бош мураббийи Андрей Канчельскис "Матч ТВ"га катта интервью берди.

Ушбу интервьюдан мухлисларимизга қизиқ бўлган парчаларни эътиборингизга ҳавола қиламиз.


- Сиз июнгача ишлаган "Навбаҳор" қандай клуб?

- Аҳоли сони бўйича Ўзбекистонда иккинчи бўлган Наманганнинг клуби. Ўтган мавсум 14 йил ичида илк маротаба медаль ютибсизлар, учинчи ўрин. Раҳбарларнинг мақсадлари катта, аммо инфратузилма яхши эмас. Жамоага келганимда стадион чими дабдала эди. Мендан олдин ишлаганлар рақиб комбинация уюштирмаслиги учун ўйиндан олдин чимга тегмасликларини сўраган. Кейин янги чим ётқизишди.

- Шаҳар каттами?

- Шундай деса ҳам бўлади. Бу Фарғона водийси, Наманганда футболдан бошқа деярли ҳеч нарса йўқ. Стадионга кўп мухлис келади, етакчиларга қарши баҳсларда 20 мингдан ортиқ ишқибоз йиғиларди.

- Жамоага келганингизда, "Навбаҳор"даги футболчилар яхши ўйин кўрсатиш имконини берганми?

- Бори билан ишлаганман. Баъзилари кетди, хоҳлаганимиз бўлмасада бошқалар келди. Аввалига келишув қуйидагича эди: "Пахтакор"дан 9 очко ва ундан кўп ортда қолсак клуб қолган маошимни тўлаб, шартномани бузиши мумкин эди. Биринчи даврадаги сўнгги тўққизта учрашувда мағлубиятга учрамаган бўлсакда шундай қарор қабул қилинди.

- "Навбаҳор"га ким ҳомийлик қилади?

- Ҳоким, бизни тилда губернатор.

Футбол учун қайғуради, аммо унинг бошқа нарсалардан ҳавотир оладиган маслаҳатчилар бор. "Навбаҳор" - пули кўп "Пахтакор" ёки "Локомотив" эмас, бироқ халқ жамоаси. Мухлислар жамоани яхши кўришади, аммо улар жуда қизиққон, вақти келса тошбўрон қилишлари мумкин. Ҳеч қайси мураббий Наманганни яхшиликча тарк этмаган, у ерда талаб катта. Мен нолисам гуноҳ бўлар, каминани қўлларида олиб юришди десам адашмаган бўламан. Юқори натижага эришмадим, аммо кучли жамоаларга қарши муносиб ўйин кўрсатдик, меҳмонда ғалаба қозонишни бошладик.

- Сизгача меҳмонда ғалаба бўлмаганми?

- Меҳмонда бор-йўғи 2 очко тўпланган мавсум бўлган. Нега бундайлигини ўзингиз тушунишга уриниб кўринг.

- Сизни тушунмадим?

- Нотўғри футбол (келишилган ўйин) ўйнашган. Кейин мураббийга (Илҳом Мўминжонов) олти минг доллар жарима солиниб, 5 йилга футболдан четлатилди.

- Ўзбекистондаги ҳакамлик ҳақида нима дея оласиз?

- Совет Иттифоқи мамлакатидан чиқиб яна шу ерга келгандек бўлдим. Аммо Равшан Эрматов федерация раҳбарига айланганидан сўнг вазият ўзгара бошлади.


- Ўз вақтида Зико, Сколари ва Ривалдо ишлаган "Бунёдкор" ҳозир қандай аҳволда?

- Катта пуллар тугади. Аммо академия ишлаяпти, жамоанинг ёшлари яхши.

- Ким пул бериб турган?

- Ўша ерда ҳамма танийдиган бой инсон. У раҳбарлик қилган пайтларда хатто мағлубият учун мукофот пуллари берилган.

- Ўзбек футболида бақир-чақирлар бўлиб турадими?

- Баъзида. Ҳоким қўнғироқ қилиб бирор футболчини туширишимни айтиши ёки ҳисобни буюртма қилиши мумкин эди. Масалан, "Бугун 3:0 ҳисобида ютишимиз керак". Худди 1:0 ғалаба эмасдек. Мен бундай қўнғироқлар билан безовта қилишмасликларини сўраганман. Бошида у кийниш хонасига кириб, ҳаммага бақириб қоларди: "Бу нима футбол?!" Бир куни биринчи бўлимда ҳисоб 0:0 бўлди, иккинчисида - 3:0. Унинг айтишича, танаффусда бақиргани фойда берган. Кейин у билан алоҳида суҳбатлашдим ва ғазабда ҳаммага бақирмай, ўйиндан бир кун ўтиб футболчи билан тинчгина гаплашишни маслаҳат бердим. Бир-биримизни тушундик, ҳаммаси нормаллашди. Ҳоким Наманган футболи учун кўп ишларни қилган, аммо унинг маслаҳатчилари...

Рейтинг: +71   

Фикрлар

championat.asia
< сўнгги янгиликларни кўриш
Яндекс.Метрика