“Камолиддин Кенжаев” турнирига таклиф этамиз!

Унинг “Насаф” жамоасини танилишида ва ютуқларига қўшган ҳиссасини ҳамма эътироф этади ва ҳурмат қилади. Футболчи автоҳалокат туфайли футболни тарк этишга мажбур бўлган. Оғир жароҳати орқали ҳаракатланиш имкониятини ҳам йўқотди. Камолиддин Кенжаевни қўллаб-қувватлаш учун, унга далда бўлиш учун ҳар йили турли тадбир ва хайрия акциялари ташкил этилади. Бундан асосий мақсад уни ёлғизлатиб қўймаслик.


“Насаф” мухлислар клуби ва футбол мактаби ҳамкорлигида 2 октябрь куни Қаршида футбол бўйича “Камолиддин Кенжаев” кубоги турнири ташкил этилмоқда. Ушбу футбол турнири “Насаф” футбол мактабида ўтказилади. Турнирда 2006-2007 йилларда таваллуд топган ёш футболчилардан иборат жамоалар иштирок этишади. Мазкур турнирда Қарши шаҳридаги ўрта таълим мактаблари жамоалари, шунингдек Қашқадарё вилоятидаги ўрта таълим мактаблари жамоалари ҳамда бошқа вилоят жамоалари ҳам иштирок этишлари мумкин. Турнирда иштирок этиш ҳоҳиши бўлган жамоалар 2 октябрь сешанба куни, “Насаф” футбол мактабида соат 10:00гача рўйхатдан ўтишлари ва буюртма топширишлари керак.

Турнирда “Насаф” футбол мактаби раҳбарияти ва мураббийлари ҳозир бўлишади. Турнир иштирокчилари орасидан футбол мактабимизга иқтидорли ёшлар танлаб олинади.

Турнир ғолиблари диплом, кубок ва эсдалик совғалари  билан тақдирланишади. Ғолибларни тақдирлаш маросими шу куни “Марказий” стадионимизда ўтказиладиган, “Насаф” – “Қизилқум”  учрашувининг танаффус пайтида  ташкил этилади. Тақдирлаш маросимида Камолиддин Кенжаевнинг шахсан ўзи иштирок этади.

Футбол учрашувини томоша қилишга ёш футболчиларнинг ота-оналарини ҳамда барча футбол ишқибозларини таклиф этамиз.

Мурожаатлар учун телефонлар: +998 91 224 74 74 – Санжар Сайфиев, “Насаф” мухлислар клуби етакчиси.

                                                           +998 90 443 20 06 – Сирож Эшқобилов, “Насаф” футбол мактаби мураббийи.

Турнирга марҳамат қилинг!