Жилсон де Соуза: "Иккинчи бўлимнинг дастлабки 15 дақиқасини жуда ёмон ўтказдик"

- Натижа биз учун ёмон бўлди. Иккинчи бўлимдаги дастлабки 15 дақиқани ёмон ўтказдик. Бунинг оқибатида мағлубиятга учрадик.

- Футболчиларнинг рўза тутиши ўйинга таъсир қилди деб ўйлайсизми?
- Бу унчалик таъсир қилади деб ўйламайман. Жамоамиз биринчи бўлимни яхши ўтказди, тезкор гол урдик. Иккинчи бўлимдаги хатолар туфайли мағлуб бўлдик. Умуман олганда рўза тутиш футболчиларга катта таъсир ўтказади деб ўйламайман.

- Виеранинг алмаштирилиши ўйинга таъсир ўтказдими?
- У жароҳатланганди. Шу боисдан уни ўзгартиришга мажбур бўлдик. Унинг ўрнига майдонга тушган футболчи ўзини кўрсатишга ҳаракат қилди. Шу боисдан 4-4-2 тактикасида ўйнадик ва бироз вақт ўтиб, ўз тактикамизга қайтдик. Бир муддат ўйинни назорат қилдик деб ўйлайман. Тўғри, Виера ёмон футболчи эмас. Бироқ унинг ўрнига ўйинга қўшилган футболчи ҳам яхши сифатларга эга эди.