ЖЧ-2018. Португалияликлар Кратовдаги базада катта телевизорлар ва PlayStation бўлишини илтимос қилишди
13 фев 2018 14:34
Янгиликлар

ЖЧ-2018. Португалияликлар Кратовдаги базада катта телевизорлар ва PlayStation бўлишини илтимос қилишди

Теглар : ЖЧ-2018 Португалия

Москва вилояти жисмоний тарбия ва спорт ишлари вазири Роман Терюшков Португалия терма жамоаси ЖЧ-2018 вақтида қандай шароитлик базада яшаши ҳақида айтиб берди.

"Сатурн" ўқув-машғулот марказида 3та футбол майдони - 2та табиий ва битта сунъий мавжуд. Базада евростандартларга жавоб берадиган меҳмонхона комплекси бор.

Кратовдаги машғулот базасида 200дан ортиқ киши яшаши мумкин. База барча меҳмонларни овқат билан таъминлай олади. Марказда машғулот зали ва бассейн мавжуд.

"Бир нечта майдон ва идеал чим - бу Португалия терма жамоасининг ҳамма талаби эмас.

Илтимосномада балконда қопқоп кўринишидаги мебел, тўлиқ бўялган деворлар керак. Бу талаблар келишилган ва ҳозир бу борада ишлар олиб борилмоқда.

Айни дамда бир нарса маълум - Португалия терма жамоаси юлдузи Криштиану Роналду "Сатурн" машғулот базасининг иккинчи қаватида яшайди. Хонани унинг ўзи танлайди.

Португалияликлар ҳар бир хонага катта телевизорлар қўйишни сўрашди. Уларга тармоқли PlayStation ускуналари ўрнатилади ва футболчилар ўзаро ўйинлар ўйнаши мумкин бўлади. Менимча футбол ўйнашса керак" - деди Терюшков.

Ҳавола :

Манба : sports.ru

Янгиликларни Телеграмда ўқинг!

Рейтинг: +19