ЖЧ-2018. Финалда кубокни майдонга россиялик модель ва Жаҳон чемпиони олиб чиқади
13 июл 2018 11:06
Янгиликлар

ЖЧ-2018. Финалда кубокни майдонга россиялик модель ва Жаҳон чемпиони олиб чиқади

ФИФА Россиядаги Жаҳон чемпионати финалидан олдин "Лужники" стадиони майдонига кубокни кимлар олиб чиқишини эълон қилди.

Франция ва Хорватия ўртасидаги ўйиндан олдин россиялик модель Наталья Водянова ва Германия терма жамоаси собиқ сардори, ЖЧ-2014 ғолиби Филипп Лам Жаҳон чемпионати кубогини майдонга олиб чиқишади. Соврин Louis Vuitton бренди томонидан тайёрланган махсус кейсда туради.

Эслатиб ўтамиз, финал 15 июль куни Тошкент вақти билан соат 20:00да бошланади.

Маълумот учун, ЖЧ-2018 очилиш маросимидан олдин кубокни майдонга айнан Наталья Водянова ҳамда испаниялик Жаҳон чемпиони Икер Касильяс олиб чиқишганди.