Жавоҳир Сидиқов - "Локомотив" футболчиси
12 янв 2021 12:32
Янгиликлар

Жавоҳир Сидиқов - "Локомотив" футболчиси

2013 йил БААда ўтказилган U-17 жаҳон чемпионатида порлаган ярим ҳимоячи "темирйўлчилар" билан шартнома имзолади.

Янги мавсумга жиддий ҳозирлик кўраётган "Локомотив" ўз сафини яна бир иқтидорли футболчи билан тўлдириб олди. Ўтган йил "Пахтакор" таркибида тўп тепган Жавоҳир Сидиқов ушбу мавсумни "Локо" либосида ўтказади.

Маълумот учун, Сидиқовнинг олий лигада дебюти 2016 йил рўй берган. Ўшанда у "Пахтакор" сафида иккита баҳсда майдонга тушиб, кейинчалик "Қўқон-1912"га ижарага берилган ва 2017-2018 йилги мавсумларни ҳам қўқонликлар сафида ўтказганди. Сидиқов ўтган йил "Пахтакор" сафида Суперлигада 14 бор майдонга тушиб, 3та гол муаллифи бўлди.

Эслатиб ўтамиз, олдинроқ championat.asia сайти бу ҳақда хабар берганди