Жалолиддинов "Бешиктош"ни эмас "Локомотив"ни танлади

Тасдиқланмаган маълумотларга кўра, Москва клуби футболчи учун "Бунёдкор"га 350 минг евро тўлайди.

Бизга маълум бўлишича Туркиянинг "Бешиктош" клуби ҳам Жалолиддиновга қизиқиш билдирган ва "Бунёдкор"га расмий таклиф юборган.

Туркия клуби футболчи учун 400 минг АҚШ доллари (тахминан 350 минг евро) беришга тайёр эди. 

Бундан ташқари "Бешиктош" Туркия чемпиони бўлса ва Жасур 15та ўйин ўйинда камида 45 дақиқадан ўйнаса бонус тариқасида 50 минг АҚШ доллари, 

агар "Бешиктош" чемпион бўлса ва Жасур 30та ўйинда камида 45 дақиқадан ўйнаса бонус тариқасида яна 50 минг АҚШ доллари бермоқчи бўлган. 

Кейинги трансфер пулидан "Бунёдкор"га 10 фоиз тўланар эди. 

Футболчининг ўзига эса ойига 15 минг евро маош таклиф қилинган. Маошдан ташқари "Бешиктош" футболчининг ўзига ҳар йили бонус ҳам таклиф қилган:
Биринчи йилга 50 минг евро
Иккинчи йилга 200 минг евро
Учинчи йилга 250 минг евро
Тўртинчи йилга 300 минг евро

Бироқ Жасурнинг ўзи Россия клубига ўтишни истади ва "Бунёдкор" раҳбарияти унинг истагига қарши бормади.

"Россия чемпионатида ўйнашни истадим. Шу боис "Бешиктош" эмас "Локомотив" вариантини танладим. "Бунёдкор" раҳбариятига танловимни ҳурмат қилишгани учун раҳмат айтаман", - дейди Жалолиддинов championat.asia сайтига берган интервьюсида.