Ихтиёр Каримов: «Обод»га малака ва тажриба етишмаяпти

-   Бугун мухлислар икки хил таймга гувоҳ бўлишди. 1-таймда жамоам ўз ўйини кўрсата олмади. Бунга чарчоқ аломатлари ҳам таъсир кўрсатди. Негаки «Обод» клуби бизга нисбатан бир кун кўпроқ дам олган эди. Иккинчи бўлимда жамоамиз ўзига келди ва натижада иродали ғалабага эришдик.

-   «Обод»дан дарвозамизни икки бор ишғол қилган футболчи (Шохруз Норхонов)ни алоҳида ажратиб кўрсатган бўлардим. У ҳимоячиларимизни бутун ўйин давомида босим остида ушлаб турди.

-   Учрашувнинг сўнгги дақиқаларини асосан ҳимояда ўтказганимизга келсак, «Обод» футболчилари ҳужумкорликни кучайтиришди. Чунки улар мағлубиятдан қутилишга интилдилар. Футболда рақиб қандай имкон берса шунга қараб ўйнайсан. Шу боис ўйин охирларида қарши ҳужумга таяниб ҳаракат қилдик.

-   «Обод» яхши жамоа. Уларнинг шу кунгача ўтказган ўйинларини синчковлик билан ўргандик. Жамоада иштиёқ кучли. Менимча уларга малака ва тажриба етишмаяпти.

«Обод» ФК матбуот хизмати