UZ

Сўнгги янгиликлар

06:40Конференциялар лигаси. "Челси" сафарда "Юргорден" дарвозасига 4 та гол урди, "Бетис" эса "Фиорентина"ни мағлуб этди  3 06:30Европа лигаси. "Манчестер Юнайтед" сафарда "Атлетик" устидан йирик ҳисобда ғалаба қозонди, "Тоттенхем" эса "Буде-Глимт"ни мағлуб этди  32 02:10Конференциялар лигаси. "Челси" финал масаласини деярли ҳал қилди, "Бетис" "Фиорентина"ни кичик ҳисобда мағлуб этди  3 02:03Европа лигаси. "Манчестер Юнайтед" меҳмонда йирик ғалабага эришди, "Тоттенхэм" ҳам учта гол билан зафар қучди  3 01:50АПЛ. ЕЧЛ учун курашаётган "Ноттингем Форест" ўз уйида мағлубиятга учради  2 01:11Холанд қайтди  0 00:15Ана холос! "Интер"нинг энг муҳим футболчиси "Барселона"га қарши ўйнамайди  15 23:44"Реал" Модрич ва Васкес билан шартномани узайтиради  3 23:13Гёкереш "Манчестер Юнайтед"га ўтадими? Рубен Аморим жавоб берди  1 22:50Сеск Фабрегас фаолиятидаги энг яхши мураббийи ким эканлигини айтди  1 22:11Габриэль Агбонлахор: "Ямал мени қўрқитмоқда"  4 21:57Ямалнинг ёшида Месси ва Роналдунинг статистикаси қандай эди?  15 21:35"Реал" Модрич ва Васкес билан шартномани узайтиради, аммо жуда қисқа муддатга  3 21:32Илёс Зейтуллаев "Ювентус"нинг ўрнига қаерга бориши мумкин бўлганини айтиб берди  7 21:15УЕФА ЕЧЛ ҳафта рамзий терма жаомасини эълон қилди  8

Иван Соловьёв: “Таркиб бўйича ҳаттоки, “Пахтакор”дан ҳам кучлимиз” Янгиликлар

Иван Соловьёв: “Таркиб бўйича ҳаттоки, “Пахтакор”дан ҳам кучлимиз”

Хабарингиз бор, “Навбаҳор” таркибида бир қатор хорижлик футболчилар тўп суришади. Улардан бири маҳоратли россиялик ярим ҳимоячи, майдондаги фаол ҳаракатлари билан ажралиб турувчи Иван Соловьёв.

"Навбаҳор" аъзолари Ўзбекистон Профессионал футбол лигаси (ПФЛ) томонидан машғулотлар ўтказишга рухсат берилганидан сўнг, яъни 30 май кунидан бошлаб, Суперлига 4-тури доирасидаги сафарда Қаршининг “Насаф” клубига қарши кечадиган ўйинга тайёргарликни бошлашди. “Лочинлар”нинг навбатдаги машғулоти якунига етгач, Иван Соловьёв билан суҳбат уюштирдик. Қуйида унинг фикрларини эътиборингизга ҳавола этамиз.

Машғулотларнинг бошланиши, клуб қароргоҳидаги карантиндаги ҳаёт, карантиндан кейинги футбол, сенсация борасида


Худога шукр, 30 майдан машғулотларни ҳам бошлаб олдик. Тўғриси, барчамиз машғулотларни соғингандик.

Очиғини айтсам, карантин янги бошланганида бироз зерикдим. Бироқ кейинчалик клуб қароргоҳидаги жамоадошларим – Игорь Голбан, Руслан Болов, Павел Голишев ва Амирбек Жўрабоев билан стол тенниси, PlayStation ўйнадик. Шунингдек, ҳар биримиз мураббийлар штаби белгилаб берган жадвал асосида барчамиз ўз хонамизда якка тартибда шуғулландик.

Карантиндан кейинги футболда ўзгаришлар бўлиши ёки йўқлиги борасида тўхталадиган бўлсам, барчаси машғулотлар учун ажратилган муддат давомида жамоаларнинг бўлажак учрашувларга қандай тайёргарлик кўрганликларига боғлиқ бўлади. Бундан самарали тарзда фойдаланган футболчилар яна аввалгидек ўйин намойиш эта олишади, бошқалар эса...

Умуман олганда, ўзгаришлар бўлиши эҳтимоли юқори.

13 июндан рестарт оладиган чемпионат баҳсларида сенсациялар юз бериши борасида тўхталадиган бўлсам, футболда бундай ҳолатлар доимо юз беради. Масалан, ҳаттоки, жамоа юқори даражада ўйин намойиш этаётганида ҳам мағлубиятга учраши мумкин.

Лекин менимча, “Пахтакор”нинг битта баҳсда енгилиши сенсацияга кирмайди. Сенсация сифатида ҳеч кимнинг хаёлига келмаган ҳамда кутилмаган бирорта жамоанинг чемпион бўлишини киритиш мумкин.


Биринчи давра ўйинларининг мухлисларсиз ўтиши, ОЧЛ йўлланмасини қўлга киритиш вазифаси тўғрисида


- Биринчи давра баҳсларининг томошабинларсиз ўтказилиши тўғрисида нима дейишим мумкин? Наманганда футболга қизиқиш кучли ва мухлислар жамоамизни ҳар бир ўйинда ўзгача тарзда қўллаб-қувватлаб туришади ҳамда биз - футболчилар бундан руҳий ва жисмоний куч-қувват оламиз.

Шундай бўлса-да, яна бир марта такрорлайман, барчаси жамоаларнинг бўлажак ўйинларга қандай тарзда тайёргарлик кўришига ҳам боғлиқ.

Айни пайтда телевизор орқали қайси чемпионат баҳсларини намойиш этишса, ўша ўйинларни томоша қиляпман ҳамда улардан шундай хулосага келяпманки, баҳслар худди жамоалар ўқув-машғулот йиғинларини ўтказишаётгандек тарзда ўтмоқда. Барибир мухлислар билан ўйнашнинг гашти ўзгача.

Жамоамизга 1-давра учрашувларида ишқибозларнинг йўқликлари етишмаслиги мумкин. Аммо наилож, инсон соғлиги барчасидан муҳим саналади ва барчамиз бунга амал қилишимиз шарт ҳамда майдонда мухлисларнинг ғойибона қувватлашларини ҳис этган ҳолда, ўйнаймиз.

Жамоамизнинг олдига жорий мавсумда ОЧЛ йўлланмасини қўлга киритиш вазифаси қўйилгани тўғрисида тўғрисида тўхталадиган бўлсам, айни пайтда “Навбаҳор”да тажрибали ва маҳоратли футболчилар кўпчиликни ташкил этади ҳамда таркиб бўйича ҳаттоки, “Пахтакор”дан ҳам кучлимиз, десам ҳам бўлаверади.

Шундай экан, жорий мавсумда чемпионлик унвони ва Ўзбекистон кубогини қўлга киритишга қодирмиз, албатта.

Фақат бунинг учун нафақат футболчилар, балки клуб раҳбарияти, мураббийлар штаби, ишчи-ходимлар, шунингдек, мухлислар, яъни барча бир ёқадан бош чиқариб, ҳаракат қилиши лозим. “Пахтакор” ўтган мавсумда айнан шунинг эвазига чемпион бўлди.

Бу йил Ўзбекистон кубогининг финал ўйини Наманганда, биз учун қадрли майдонда бўлиб ўтиши ҳам жамоамизга қўшимча имконият тақдим этади. Боиси, наманганлик 15-20 минг нафар мухлиснинг “Навбаҳор”ни олқишлаб, олдинга ундаши ҳар қандай рақиб жамоа аъзоларида босим пайдо қилади. Шундай экан, ушбу имкониятдан самарали тарзда фойдаланишга интиламиз ҳамда нафақат совриндорлар сафидан ўрин олган ҳолда, балки, биллур совринни ҳам қўлга киритиб, ишқибозларга қувонч улашиш ниятидамиз.


Мухлисларга тилаклар


Ишқибозлар биринчи давра ўйинларини телевизор орқали томоша қилишади. Иккинчи даврадан бошлаб, мухлислар учрашувларни бевосита стадионларда томоша қилиш имкониятига эга бўлишади, деган умиддаман.

Асосийси, ишқибозлар бахтимизга доимо соғ-саломат бўлишсин ва жамоамизни доимо қўллаб-қувватлаб туришаверсин.

“Навбаҳор” ПФК матбуот хизмати.

Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика