Испаниялик футболчи юрак хуружига учраган мухлис сабабли ўйинни тўхтатишни сўрагани учун майдондан четлатилди

Жамоанинг "Эльче"га қарши ўйинида "Расинг"нинг 58 ёшли мухлиси трибунада юрак хуружига учради. Воқеа гувоҳи бўлиб турган Сайнс-Маса захира ўриндиғидан туриб, захира ҳакамидан учрашувни тўхтатишни талаб қилди. Бунинг эвазига унга бош ҳакам томонидан қизил карточка кўрсатилди.

Беллашувдан сўнг "Расинг" бош мураббийи Хосе Альберто матбуот анжуманида ўз эътирозини билдирди: "Иньиго трибунада бўлаётган воқеалардан хавотирда эди. Барчамиў нега ҳакам ўйинни тўхтатмаганининг сабабини тушунмадик. Ҳеч ким ҳурматсизлик қилмаганди. Ҳакамнинг бу иши бемаъниликнинг ўзгинаси. Биринчи ўринда футбол эмас, инсон ҳаёти туради".

Кейинчалик клуб қизил карточкани бекор қилиш бўйича аппелация беришини маълум қилди.