Интервью. Асадбек Собиржонов : “Муҳсин Муҳаммадиев жамоани Суперлигада олиб қола олади”

Аввал хабар берилганидек Любинко Друлович шогирдлари мазкур йиғин доирасида Жанубий Корея ОТЖ билан иккита ўртоқлик учрашувида майдонга тушади. “Бухоро”билан  Суперлигада қолишга интилаётган Асадбек  Собиржонов мураббий борасидаги фикрлари билан бир қаторда  клубдаги ҳолат ҳақида ҳам тўҳталиб ўтди.

- Асадбек, мана олимпия терма жамоасидан учинчи бор чорлов олдингиз. Бош мураббий Любинко Друловични талабларида, кўрсатмаларида ўзгаришлар, янгиликлар борми?

- Друлович боллардан машғулотларда  юз фоиз куч билан шуғулланишни талаб қилади ва жисмоний ҳолатга жиддий эътибор беради. Ўз клубларимизга жўнаб кетаётганимизда қайси жиҳат устида ишлаш кераклигини айтади. 

- Ўзбекистон миллий терма жамоасига қарши кечган назорат учрашувида ҳимояга эмас, балки ҳужумга кўпроқ ўтдинглар. Бу ўйндан олдин ўйланган режамиди ёки ҳисобдан келиб чиқиб шундай йўл тутдингларми?

- Миллий терма жамоага қарши ажойиб ўйин бўлди деб ўйлайман. Бизда ҳам вазиятлар бўлди, бироқ голга айлантиришда озгина қийналдик. Мураббий бў ўйинда ҳаммани синовдан ўтказиб кўрди. Биз ҳужумкор ўйин кўрсатдик, аммо тажриба ўз сўзини айтди. 

- “Бухоро”Суперлиганинг сўнгги турларини кўтаринки кайфиятда ўтказяпти. Пойтахт ва Қаршидан очко билан қайтди. Жамоа элитада қолиш имкониятларини қандай баҳолайсиз?

- Бухорода ҳозир ҳаммаси яхши кетмоқда. Бизниннг мақсадимиз жамоани лигада олиб қолиш. Муҳсин Муҳаммадиев буни эплай олади. Чунки у яхши мураббий ва ажойиб инсон.У болларни ғалабага ишонтира олмоқда. Агарда шу тарзда ўйнашда давом этсак жамоани кучлилар сафида олиб қоламиз. 

Абдулазиз суҳбатлашди