"Интер" ярим финалга чиқди
05 фев 03:05
Янгиликлар

"Интер" ярим финалга чиқди

Италия Кубогининг 1/4 финал босқичи доирасидаги "Интер" ҳамда "Торино" жамоалари ўртасидаги баҳс якунланди.

"Сан-Сиро"да кечган қизиқарли тўқнашувда мезбонлар кичик ҳисобдаги ғалабани қўлга киритишди.

Миландаги баҳс тафсилотлари:

35-дақиқада миланликлар ҳужумчиси Анж-Йоан Бонни ҳисобни очишга муваффақ бўлди.

Иккинчи бўлим бошида, 47-дақиқада Анди Диуф "нерадзурри"нинг устунлигини мустаҳкамлади.

Меҳмонлар сафида Сандро Куленович 57-дақиқада гол уриб, ўйинга интригани қайтарди, бироқ туринликлар бундан ортиғига куч топа олишмади — 2:1.

Шу тариқа, "Интер" ярим финал йўлланмасини нақд қилди. Эртага мусобақанинг ушбу босқичида бизни яна бир супер тўқнашув — "Аталанта" ва "Ювентус" баҳси кутиб турибди.

Эслатиб ўтамиз, Италия Кубогининг амалдаги соҳиби "Болонья" ҳисобланади. Улар ўтган йилги финалда "Милан"ни (1:0) мағлуб этишган эди.

Матч-центрда очиш