UZ

Сўнгги янгиликлар

19:00Элит ОЧЛ. "Пахтакор" — "Ал Райян" 0:0 (матнли трансляция)  2 18:50Элит ОЧЛ. "Пахтакор" - "Ал Райян": Мусобақа бош соврини Тошкентда  2 18:22Бензема Мбаппега "Реал"даги ҳолати бўйича маслаҳат берди  4 17:46Элит ОЧЛ. "Пахтакор" - "Ал Райян": Асосий таркиблар маълум  6 17:04ПРО-Лига. "Машъал" ўз уйида "Бухоро"га имкониятни бой берди  6 16:55ПРО-Лига. "Арал" "Шўртан" устидан иродали ғалабага эришди   3 16:48"Манчестер Сити" "Барселона" ҳимоячиси учун 70 миллион беришга тайёр  8 16:20"Пахтакор"нинг рақиби "Ал Райян" ҳақида нималарни билишимиз керак?  5 15:52"Бавария" Бундеслиганинг иккинчи тўпурарини ҳам ўз сафида кўрмоқчи   1 15:16Эшитдик-да! "Навбаҳор" футболчилари ҳам 3 ойдан бери маош олишмаяпти  14 13:17Неймар жароҳати ҳақида: "Шифокорлар мени огоҳлантиришганди"  3 12:49Анчелотти: "Реал" ўзининг "Олтин тўпини" 1 июнь куни ютиб бўлган"  18 12:25"Ал Райян" бош мураббийи ўтган мавсум ўзбек клуби сабабли ОЧЛдан қуруқ қолган эди  7 12:00ПРО-Лига. Бугун етакчилар жанги гувоҳи бўламиз  3 11:45"Насаф"ни чемпион қилган ўйинлар  12

Илдар Маматказин: "Мақсадимиз мавсумни кучли бешликда якунлаш" Янгиликлар

Илдар Маматказин: "Мақсадимиз мавсумни кучли бешликда якунлаш"

Жорий йилда аввалги иштирок этган мавсумларига нисбатан Суперлигада анча дадил ҳаракат қилаётган "Андижон" ўз майдонида "Пахтакор"ни қабул қилади.

Етакчи жамоаларнинг "Андижон"дан очко олиши ҳамма ўйлагандек осон кечмаяпти. Худди шундай "Пахтакор"ни ҳам "Бобур Арена"да ўта қийин баҳс кутмоқда. Мазкур учрашув олдидан "бургутлар" сардори Илдар Маматказин фикрларини билдриб ўтди. 

Андижон

Рубин Хебай - 84'

Суперлига. 21-тур

08/10/2023, 17:00

0
:
1
Тугади

Пахтакор

45'
90'
67'  Фарҳод Бекмуродов (Леван Арвеладзе)
81'  Армин Бошняк (Фарҳод Соҳибжонов)
81'  Илҳом Абдуғаниев (Суҳроб Бердиев)
81'  Сардор Азимов (Сардор Абдунабиев)
84'  Рубин Хебай
90'  Рубин Хебай (Шаҳбоз Эркинов)
21'  Достонбек Ҳамдамов
44'  Шаҳзод Азмиддинов
66'  Достонбек Ҳамдамов (Дилшод Саитов)
84'  Пшемислав Банашак (Беҳруз Асқаров)
84'  Сардор Собирхўжаев (Муҳаммадали Ўринбоев)

- Суперлигада ҳар бир ўйиннинг қиймати ва даражаси ўта юқори. "Андижон" учун ҳам, "Пахтакор" учун ҳам айни пайтда ғалаба зарур. Шиддатли кечиши кутилаётган беллашувга "Андижон" қандай тайёрланяпти?

- Учрашувга тайёргарлик яхши кетмоқда. Мураббийлар штабининг бу ўйинга ишлаб чиққан режаси бор. Шу режа бўйича ҳозирлик олиб боряпмиз. Умид қиламанки, учрашув якунида ижобий натижа бизники бўлади. Бунинг учун меҳнат ва яна меҳнат талаб қилинади. 

- "Бургутлар" мудофаа чизиғининг вакили сифатида айтингчи, рақиб сафида Турғунбоев, Черан каби номларнинг майдонга тушмаслиги қанчалик қулайлик туғдиради?

- "Пахтакор"да нафақат бу икки футболчи балки барча футболчилари савияли ва маҳоратли ҳисобланади. Тўғри сиз айтган номлар жамоанинг етакчиси. Аммо уларда жамоавий ўйин шаклланган. Сўнгги учрашувларда керакли натижага эриша олмаётгандир. Аммо ўйин тарафлама ёмон кўринмаяпти. Барчасига майдонда гувоҳи бўламиз. 

- "Андижон" ўз майдонида иккинчи даврада ҳали мағлубиятга учрагани йўқ. Бу бевосита стадиондаги муҳит билан боғлиқми ёки бошқа сабабми? 

- Уйдаги ўйинларда бизнинг асосий қуролимиз мухлисларимиз ҳисобланишади. Майдонда 11 киши тўп тепса, 12 ўйинчимиз улардир. Мухлисларнинг қўллаб-қувватлаши ҳар қандай футболчига катта куч беради ва олдинга боришга чорлайди. Стадиондаги атмосфера эса шунчаки бомба!

- "Андижон" рақибига қандай совға тайёрлаяпти?

- Шу куни биз мухлисларимизни хурсанд қилишимиз керак. Барчамиз бирлашиб фақат ғалаба учун майдонга чиқамиз. 

- Жамоа Суперлигада қолиш миссиясини деярли бажариб бўлган ва эндиликда кучли бешликка киришга ҳаракат қилиб кўради. Бу навбатдаги ўйинларда босимни олиб ташлайдими?

- Мақсадимиз мавсумни кучли бешликда якунлаш. Бунинг учун қолган ўйинларда максимал очко тўплашимиз керак. Босим ҳар доим бўлган. Чунки пастдаги жамоалар бизга яқинлашиб олиши ҳеч гапмас. Шу боис бўшашишга ҳаққимиз йўқ.

Абдулазиз Искандаров суҳбатлашди

Муаллиф : Iskandarov Abdulaziz
Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика