Икки карра Европа ва бир карра Жаҳон чемпиони футболдан кетишини эълон қилди

Narzulla Saydullayev

24 июн 2017, 12:40

"Реал" собиқ ҳимоячиси Альваро Арбелоа фаолиятини якунлаши ҳақида маълум қилди.

– Хайрлашиш вақти келди. Ўйнашни давом эттиришга жисмонан кучим етмаяпти. Асосийси руҳий кучда, – дейди 34 ёшли Арбелоа Marca нашрига.

Футболчи фаолияти давомида Испания терма жамоаси сафида 2010 йил Жаҳон чемпиони, 2008 ва 2012 йилларда Европа чемпиони бўлди. "Реал" таркибида Испания чемпиони, икки марта Испания кубоги, Испания Суперкубоги, икки бор УЕФА Чемпионлар лигаси, клублар ўртасидаги Жаҳон чемпионати ва УЕФА Суперкубогида ғолиб чиқди.