Икарди "Реал"да? "Қироллик клуби"дан узоқ кутилган "BOOM"!!!

Кеча, 30 январь куни "Интер" форварди Мауро Икарди Твиттердаги саҳифасида қизиқарли бир "твит" қолдирди.

"Хайр, Хайр....", деб ёзади футболчи трансфер ойнасининг сўнгги кунларида. 

Бу шунчаки тасодиф деб улгурмасимиздан, Мауро ўзи билмаган ҳолда "Инстаграм"да ҳам бизга "йўл кўрсатиб" юборди. 

Бу рўйхатда, "қаймоқли таомда" Неймар нима қилаётганини тушуниш бироз қийиндек, лекин яхшироқ ўйлаб кўрсак...

Хабарингиз бор, замонавий футболда, бугунги кун футболчиларининг ҳаётида ижтимоий тармоқлар муҳим роль ўйнайди. Ва Мадриднинг "Реал" футболчилари ҳеч бир ижтимоий тармоқда бошқа клуб футболчилари, айниқса, "Барселона" аъзоларининг "ўқувчиси" бўлиши мумкин эмас (Ўз юрти терма жамоаси аъзоларидан бошқа). 

Келиб чиқадики, яқин соатлар ичида Мауро Икарди Италиядан Испанияга кўчиб ўтади ва "қаймоқранглилар" сафига бориб қўшилади. Бу эса Бензема имтиёзли "картасидан" "қуруқ қолганини" ва Зидан қанчалик уни ҳимоя қилмасин, асосий таркибдаги жойини бўшатиб беришини билдиради. 

"Интер" футболчи трансферидан бор йўғи 106 млн евро ишлаб олади.

P.S. Танганинг иккинчи томони... Нима деб ўйлайсиз, чиндан Неймар барчасини ташлаб, ёзда собиқ жамоаси "Барселона"нинг ашаддий рақиби сафини тўлдирадими ёки буларнинг барчаси шунчаки тасодиф? 

Нозима Зарипова тайёрлади