Игорь Шквирин: "Мавсумни бир текисда ўтказа олмадик"
04 ноя 2015 16:30
Янгиликлар

Игорь Шквирин: "Мавсумни бир текисда ўтказа олмадик"

"Олмалиқ" - "Бунёдкор" (1:1) учрашувидан кейин ташкил этилган матбуот анжуманида Игорь Шквирин қатнашди.

"Менимча иккала жамоа ҳужумкор ўйин кўрсатишди. Биринчи бўлимда қарши ҳужумда тўп ўтказиб юбордик. Иккинчи бўлим бошида ўзгаришлар амалга оширдик. Ўйин менимча мухлисларга ёқадиган тарзда кечди.

Умуман олганда мавсумни бир текисда ўтказа олмадик. Қайсидир ўйинларда карточкалар бизга панд берди. Баъзиларида эса жароҳатлар...

Менимча бугун ёмон ўйнамадик. Ғалаба қозонишимиз ҳам, мағлуб бўлишимиз ҳам мумкин эди.

Гол уриш бўйича учинчи ўриндамиз, аммо ўтказиш борасида қиладиган ишларимиз бор. Юқори мақсадли жамоа ҳимоя чизиғини ҳам мустаҳкам кўринишга келтириши лозим. Келаси йил "Олмалиқ"да қоламанми йўқми буни вақт кўрсатади. Бу масала раҳбарият билан гаплашилгач ҳал бўлади", - дейди Шквирин.

Ҳавола :

Манба : championat.asia

Янгиликларни Телеграмда ўқинг!

Рейтинг: +1