UZ

Сўнгги янгиликлар

13:57Гвардиола: "АПЛ чемпионлиги учун кураш "Реал" ва "Барселона" тўқнашувига ўхшайди"  0 13:44Суперлига-2018. Якуний статистика  1 13:10Почеттино: "Баъзида умуман трансфер амалга оширмаган маъқул"  2 12:59Қирғизистон телеканали Осиё Кубоги-2019 трансляция ҳуқуқини сотиб олди  15 12:48Осиё Кубоги бош соврини Токиода  8 12:43Гвардиола: "Де Брюйненинг жароҳати "Манчестер Сити"га ёрдам бериши мумкин"  0 12:32"Фенербахче" раҳбарияти бош мураббийга қўнғироқ қилиб, уни истеъфога чиқаришди  1 12:28Осиё Кубоги-1968. Эрон ҳам ўз уйида чемпион  10 12:04Ўзбекистонда йилнинг энг яхши мураббийи ва футболчиси 30 декабрь куни эълон қилинади  6 11:48Карикатура: ЦСКА "Реал"ни аяб ўтирмади  7 11:45"Ювентус"дан "Интер"га ўтган Маротта жамоага Модрични олиб келмоқчи  1 11:44Осиё Кубоги-2019. Ҳиндистон бош мураббийи: "Таиланд билан баҳс ўзгача кечади"  1 11:33Роналду "Ювентус" ўйинини ўтказиб юборади  2 11:25Olamsport: Бугун Холдоров, Рустам Тўлаганов ва бошқа юлдузларимиз рингга чиқишади, Хабибнинг таклифи ва бошқа хабарлар  2 11:24Клопп: "Моуринью - дунёнинг энг муваффақиятли мураббийи"  18

Игорь Шквирин: "Бизни эшитишди, лекин қулоқ солишмади" Янгиликлар

Игорь Шквирин: "Бизни эшитишди, лекин қулоқ солишмади"

Хабарингиз бор, кеча ЎФФ ва ПФЛ томонидан 2018 йилги миллий чемпионатда 12та жамоа иштирок этиши расман маълум қилинди.

Бу қарор кўплаб баҳс-мунозараларга сабаб бўлди ва бу борадаги турлича қарашлар ҳамон давом этмоқда. Айтиш мумкинки, қабул қилинган қарор айниқса олий лига турнир жадвалининг қуйи ўринларида бораётган клублар учун ўзгача таъсир этди. Кеча Вадим Абрамов сайтимизга берган интервьюсида айтиб ўтганидек, ҳозир кўпчилик бундан шок ҳолатда. 

Маълумки, Жиззахнинг "Сўғдиёна" клуби 28 очко билан 13-ўринни эгаллаб турибди. Демак, бу жамоа ҳам "хавфли зона"да. Биз "Сўғдиёна" бош мураббийи Игорь Шквирин билан боғланиб, олий лигада 12та жамоа қолиши ҳақидаги қарорга фикрини сўрадик. 

- Игорь Анатольевич, кайфиятлар қандай? 

- Кайфият қандай бўлиши мумкин? Янгиликни эшитдик ва бундан ҳаммамиз ҳайрон қолдик. Тўғрисини айтаман, ЎФФ сайтида чиққан хабар кайфиятимни анча тушириб юборди. Чунки федерация раҳбарияти билан учрашганимизда бошқача суҳбат бўлганди, амалда эса бошқача бўлди. 

- Демак, бунгача суҳбат ўтказилган, шундайми? 

- ЎФФ аввалига турнир жадвалининг юқори ўнталигида бораётган клублар вакиллари билан суҳбат ўтказди. Кейинчалик 10-ўриндан пастдагилар билан суҳбат ташкил қилинди. Суҳбат давомида кўп мавзулар ҳақида гаплашдик: легионерлар, ёш футболчилар хизматидан фойдаланиш ва ҳоказо. Айтишим мумкин, ЎФФ ўшанда бизни эшитди, лекин қулоқ солмади. 

- Суҳбат давомида кейинги йил олий лигада нечта клуб бўлиши ҳақида гап борганмиди? 

- Ҳа, бу мавзуда ҳам фикрлар алмашилганди. Олий лига формати қандай бўлиши, нечта жамоани қолдириш, 12тами, 14тами... Шунда мен ҳам ўз фикримни айтдим: майли формат ўзгарсин, лекин 2018 йилдан эмас, балки 2019 йилдан. Чунки бу йил чиқарилган регламент кейинги йилги мусобақа учун асос бўлиши керак. Умуман олганда, ЎФФнинг қарорига қарши эмасмиз, аммо спорт тамойилларини ҳам унутмаслигимиз керак. Агар ЎФФ кейинги йил ҳам олий лигада 16та жамоа иштирок этади ва 2018 йилдан бошлаб 12та жамоани қолдирамиз деб бир йил олдин огоҳлантирганида бошқа гап эди. Яна қайтариб айтаман, федерациядагилар бизни эшитишди, лекин қулоқ солишмади. 

- Ҳозир бу борада фикрингиз қандай? 

- Фикрим ҳозир ҳам ўша-ўша. Менимча, кейинги йил ҳам 16та жамоа қолдириб, агар 12та жамоа қатнашадиган мусобақа ташкил қилиш бўлса, бу ҳақда регламентга киритиб ўтиш керак, айтайлик, тўртта ё бешта жамоа тушиб кетади дея ҳаммани олдиндан огоҳлантириб қўйиш лозим. Мен хоҳлардимки, ҳамма клублар бир хил шароитга эга бўлсин. Ҳозир эса бундай бўлмаяпти: қарордан биз қатори "Нефтчи", "Шўртан" каби клублар ҳам азият чекиб қолишди. Менимча, бу қарор ҳали кўп муҳокама қилинади. 

- Сизнингча, қарор тўсатдан қабул қилиндими? 

- Албатта. Биз олий лига формати ҳақида гапиряпмиз ва бундай пайтда шошмаслик керак эди деб ўйлайман. Аввал ҳаммани йиғиб мажлис ўтказиш, ҳамманинг фикрини ўрганиб чиқиш лозим эди. Яхши биласиз, олдинлари бу каби йиғилишлар бўлиб турарди. Ҳар бир жамоанинг бош мураббийи ва спорт директори келиб ўз фикрини маълум қиларди. Ҳозир эса умуман ҳеч ким кутмаганда қарор чиқарилди. Спорт тамойиллари билан умуман ҳисоблашиб ўтирилмади, регламентга эса эътибор ҳам берилмади. 

- Айтайлик, "Сўғдиёна" бу қарорга норози. Клуб расман эътироз билдириши мумкинми? 

- Клуб расман эътироз билдирмаса ҳам регламент бор-ку. Агар ҳамма нарса бир пасда ўзгарадиган бўлса, унда нима учун йил бошида регламент чиқарилган? Мана шу спорт тамойили эмасми? Кечирасиз-у, биз ҳозир ўзимиз йил бошида қабул қилинган қонунни бузяпмиз. Бу қарор натижасида келаси йил баъзи вилоятларда катта футбол йўқолиб қолади. 

- Сизнингча, нима сабабдан федерация тезда бу қарорга келди? 

- Мен бунинг сабабларини билмайман. ЎФФда янги раҳбарият иш бошлаганидан бери фақат бир марта федерация биносига бордим ва ичкарига кириш қийин бўлди. Дарвоза олдидаги милиция ходими ҳеч кимни киритмаскан. Олдинлари бемалол кириб чиқардик, аммо ҳозир ундай эмас. Ҳозир чақиришсагина боришингиз мумкин, лекин ўзингиз бирор иш билан борсангиз ичкарига кириш қийин бўлади. 

- Чемпионат тугашига тўртта тур қолди. "Сўғдиёна" кейинги беллашувларга қандай муносабатда бўлади? 

- Навбатдаги турни "Пахтакор"га қарши ўтказамиз. Дарвозабонларни ҳисобга олмаганда қўл остимда 16 нафар футболчи бу ўйинга тайёргарлик кўрмоқда. Ўринбосарлардан тўртта футболчи олдим. Биз кейинги учрашувларга ҳам доимгидек ҳозирлик кўрамиз. Мана кеча кечки пайт машғулот ўтказдик ва айтишим мумкин, қарор футболчиларга ҳам жиддий таъсир қилиб, ҳамма кўнгилдагидек машқ қила олмади. Ёмон томони эса қарор чемпионат давом этаётган пайтда эълон қилинди, чунки бу нарса интрига тушиб кетишига олиб келади. Умуман олганда, мен ушбу қарорни тўғри деб билмайман, чунки спорт тамойиллари ва ҳозирги регламент умуман ҳисобга олинмади.

Х.Холиқов суҳбатлашди. 


Рейтинг: +65   

Фикрлар

+34   
31 окт 13:23:47
KUYMAZOR
UFF ga end xalq ishonishni boshlagan edi. Navbahor - Paxtakor 2:0, Buhoro - Paxtakor mojarosi hamda Pahtakor - Qo‘qon mojarosiga jazo tayinlangandan keyin Pahtakor - Bunyodkor 1:0 spektakliga ham chora ko'rishni kutgandik. Ammo UFF xalqni chalg'itib Oliy Liga - 2018 reglamreglamentini tubdan o'zgartirib hammaning e'tiborini boshqa tomonga jalb qilyabdi. Hozir bu muhokama rosa avjiga chiqdi. Ammo, zukko muhlislarimiz UFFning bu hiylasini bilib turishibdi. Buyodkorni esa Pahtakorning "soxta" goliga e‘tirozi yo‘q. Sababini tahmin qilamiz: Bunyodkorga KUBOK VADA QILINGAN! Agar unday bo‘lmasa UFF Pahtakor - Bunyodkor o‘yini bo'yicha bayonot bersin!
+14   
31 окт 13:49:17
PePsiCo
Бундай қарорга нафақат клублар, бутун республика референдум орқали 98.6 фоиз овоз берган тақдирда ҳам, янги формат энг яқини 2019 йилги футбол мавсумидан амал қилиши шарт эди. Акс ҳолда адолат мезонлари бузилади.

Қаранг, мавсум бошида ПФЛ бир клубга «сен 13-ўринни олсанг, олий лигадаги ўрнингни сақлаб қоласан» деб айтмоқда. Мавсум тугашига 4 тур қолганда эса, «йўқ, сен шу ўринда қолсанг, биринчи лигага тушиб кетасан» деяпти. Тасаввур қиляпсизми, бундай ҳолатни қаерда кўргансиз? Мен ҳеч қаерда кўрмаганман!
+12   
31 окт 14:01:13
Футбол сайти
Тугри бундай регламентни коидаси буйича бир йил олдин айтилиши керак, яъни 2018 йилги мавсум 12 талик регламент учун кураш кетади ва 2019 йилдан тулик шу асосида уйин утказилади дейилиши керак эди. Аммо бизни УФФ бироз шошиб колишди ва бошкаларни манфаати хисобга олинмади хатокки эшитиш хохланмади, бекорга ПФЛ эмас (ПФЛ - Пошол Футболинга Лох) хеч киси йук колганини вакт курсатади, ишкилиб Кишда Чим устида Хоккей уйнамасак булгани.
+11   
31 окт 13:38:46
FAZLIDDIN
Shikvirinn huddiki bizga mavsum boshida aytishganda uyinlarni sotmasdek deganday qilibsizda
+9   
31 окт 14:22:58
Who Cares
PFL bu - Pozor Firibgar Latta
+8   
31 окт 14:30:28
NorinFk
Менга УФФнинг қарори ёқди, қачондир ўзгартириш керак, пастдаги жамоалар бир йил биринчи лигада ўйнашса осмон узилиб ерга тушмайди. Олий лигада хақиқий ўйинлар бўлади, чолларам футбол ўйнаш уёқда турсин тўп тушса оёғи қалтирайдиганларам йўқ бўлиб кетади ўз-ўзидан. Хаммаси яхши бўлади хали кўрасизлар. Бу тренерлар ўз ишини эплолмаганлар йиғлашмоқда.
+8   
31 окт 14:30:21
saroylek_fc_0006
яхши бўлди енди Суғдиёна стадионига пахта экамиз бизга пахтадан фойда футболни пойтахтда ўйнашади.....
+8   
31 окт 14:07:28
Lawyer
шунча йил Ўзбекистонда яшаб ўзбек тилида гапирмаганларни умуман ишга олмаган булардим
+8   
31 окт 13:29:04
x7_
baribir shu klublarni 80 % zi shu urinlarni egallardi prosta rasmiyatchilik uchun 1 yil ketardi holos
+8   
31 окт 13:28:06
x7_
Tugrisini aytganda klublarni uzlari aybdor xuddi Golibga 100 kg Oltin degandan keyin hammasi harakat qilishi kerakmidi ? uzlari aybdor 2 ta klub obod va shurtan tushib ketishi aniq bugandan keyin umuman tashvorgandiram uynashni avvalgi yillari ham shu jamoalarni 80% 10 urindan pastda yurgan bu fakt
+6   
31 окт 15:45:59
Ибрагим Рашидов
Хамма Умиджонни куллаб хурсанд булетувди.1соатда хурматниям ичворди.Олий лига узларингга буюрсин.киморбозлар
+6   
31 окт 14:58:12
Узбекистан
Хамани хурмат килиб этаманки, биринчи боб махалийчили ва расизм кивоткан одамла бу вилоятди мухлисла. Хар иккинчи гапда Тошкент жамоалари ва тошкентди бош стадионла хакида гапириб аламидан чиквоса болде. Агар вилоят жамолари хакатан кучли буса тепарода юрарди, как минимум Насафни уровенени корсатарди. УФФ ни "ТФФ" дигандан кора Вилоятди хокимиладан талаб килила футболга ажратилган пул футболга етиб боришини. Булар бомас гапла гапирмастан Тошкент ва тошкенлила хакида.
+6   
31 окт 14:47:33
Узбекистан
"ТОТАЛИЗАТОР КИРОЛИ" Игорь Шквирин бечора кийналаркансизде енди...Узбекистон Биринчи лигасини тотализатор обороти анча кам Олий лигага нисбатан
+5   
31 окт 13:40:21
Dima Dimka
uff raxmat intrigani kuchaytirding avvallari muxlislar bunday qiziqishmasdi pfl ga
+5   
31 окт 13:37:14
Jasurbek
нима деса десину, лекин УФФ жуда тугр карор кабул килди!!! Нега шу пайтгача Сугдиёна хусусан Шквирин спорт тамойилларига эътибор бермай келишилган уйинларда иштирок этди? Келаси йил энди халол уйнаб юкорирокда турамиз дегандай гапда бу а? Шкур килинглар бронталаринг камалиб кетмаяпсизлар, давлат пулини бемаксад сарфлаб еб ичиб юрдиларинг шунча йил. Вактида Биринчи лигадан ОТМК жамоаси 7-8 уринда була туриб олий лигага кушиб куйилди ва айнан Шквирин ушбу дамоада мураббий булганида нега спорт принциплари хакида лом-мим демади? Так что танганинг иккинчи тарафи хам бор, кайтар дунё. Хар ким уз килмишига яраша худодан уради. Нима булса хам футболимизнинг ривожи учун килинмокда ва курбонларсиз булмайди ( бу вазиятда курбонлар айнан кингир ишлар билан шугулланиб келганлар булмокда).
Формат тугрисида эса эътирозим бор: 3 даврали тизимнинг 3 даврасида уйин сотишлар аввалгиданда баттар булади ишонаверинг. Диёр Имомхуджаев вариантини куллашса маъкулрок. Кучли олтилик ва кучсиз олтилик 3 ва 4 тавра килиб чемпионлик ва жон саклаш учун НОЛЬ ОЧКОДАН курашни олиб боришсин албатта уй-сафар тизимида.
championat.asia
< сўнгги янгиликларни кўриш

Энг яхшилар

ЕЧЛ. "Реал" ўз майдонида йирик ҳисобда ютқазди, "Рома"да ҳам мағлубият ЕЧЛ. "Реал" ўз майдонида йирик ҳисобда ютқазди, "Рома"да ҳам мағлубият
ЕЧЛнинг 6-тури доирасида "Реал" ўз майдонида ЦСКАга йирик...  97
ЕЧЛ. ​"Ливерпуль" – "Наполи" 1:0 ЕЧЛ. ​"Ливерпуль" – "Наполи" 1:0
Клопп ўзининг севимли триосига ишонч билдирди.  120
РАСМАН: Икром Алибоев "Сеул" футболчисига айланди РАСМАН: Икром Алибоев "Сеул" футболчисига айланди
Суперлиганинг якунланган мавсумида "Локомотив" шарафини...  66
ЕЧЛ. "Боруссия Д" ғалаба қозонди ва бошқа натижалар ЕЧЛ. "Боруссия Д" ғалаба қозонди ва бошқа натижалар
ЕЧЛ гуруҳ босқичининг сўнгги тур баҳслари ўтказилди.  53
������.�������

CA ни Facebook да ўқиш
учун "Yoqdi"ни босинг