Иброҳим Ибрагимов: "Хитойни 3:1 эмас, 5:1, 6:1 ҳисобида ҳам ютишимиз мумкин эди"
17 июн 2023 23:45
Янгиликлар

Иброҳим Ибрагимов: "Хитойни 3:1 эмас, 5:1, 6:1 ҳисобида ҳам ютишимиз мумкин эди"

Теглар : Иброҳим Ибрагимов ўзбекистон олимпия терма жамоаси

Ўзбекистон олимпия терма жамоаси айни пайтда Хитойда ўқув-машғулот йиғинини олиб бормоқда.

Тимур Кападзе шогирдлари кеча Хитой U-23 терма жамоасига қарши майдонга чиқди (3:1). Мазкур учрашувдан сўнг терма жамоамиз ярим ҳимоячиси Иброҳим Ибрагимовнинг фикрлари билан қизиқдик.

- Хитой билан ўйин ҳақида...

- Ўйин яхши ўтди. Биринчи бўлимда рақиб чуқур ҳимояланди. Биз эса икки хил таркибда майдонга тушдик. Мураббийимиз барчага имконият бердилар. Иккинчи бўлимда ўйин очилди. Голли вазиятлар кўпайди. Хитойни 3:1 эмас, 5:1, 6:1 ҳисобида ҳам ютишимиз мумкин эди.

- Қирғиз Республикаси билан ўйинга қараганда фарқ нимада бўлди?

- Хитой қизиқарлироқ жамоа экан. Фақат реализацияда оқсаяпмиз. Ҳамма рақибни ҳурмат қиламиз. Йигитлар бор куч билан ҳаракат қилади.

- Ўзбекистонга қарши кўп жамоалар ҳимоявий ўйин кўрсатмоқда. Мураббийлар бу борада қандай кўрсатмалар беряпти?

- Тўғри айтдингиз. Ҳимоявий ўйин таклиф қилмоқда. Машғулотларда ишлаяпмиз. Чуқур ҳимояланган рақибга қарши доим қийин. Очиқ ўйинга қараганда бу анча мураккаброқ.

- U-20 терма жамоасидан келган янги футболчилар қай даражада киришиб кетишди?

- Яхши, ўзларини кўрсатишмоқда. Маҳмуд, Умарали, Саидафзалхон тез киришиб кетишди. Ака-укадек бўлиб кетганмиз. Маҳмуд, Умарали гол уришди. Иккинчи ўйинга тайёргарликни бошлаганмиз. Биринчи ўйинга қараганда қийинроқ бўлиши табиий. Чунки бизни кўрди, ўрганди. Ғалаба учун майдонга чиқамиз.

Абдулазиз Искандаров суҳбатлашди

Ҳавола :

Манба : championat.asia

Янгиликларни Телеграмда ўқинг!

Рейтинг: +4