Иброҳим Ибрагимов: "Сўғдиёна"нинг нозик томонларини ўрганиб чиққандик"

- Қийин ўйин бўлди. Баҳсга яхши тайёргарлик кўргандик. Назарий машғулотларда "Сўғдиёна"нинг нозик томонларини ўрганиб чиққандик. Ҳудога шукур, мухлисларимиз олдида юзимиз ёруғ бўлди. Стадионга келганига раҳмат айтаман, уларнинг қўллаб-қувватлашаётганини ҳис қилиб ўйнадик. 

- Гол нишонлашингиз ҳақида гапирсангиз. Кимга қарата камондан ўқ уздингиз?

- Бу сир бўлақолсин.

- "Пахтакор"да легионер футболчилар кўп. Қандай қилиб Сиз пенальти тепдингиз?

- Ўйиндан олдин мураббийимиз ким жарима зарбасини, пенальтини тепишини ёзиб қўяди. Бугун пенальтига мени ёзишганди. 

- "Пахтакор" ушбу мавсумда турнир жадвалида ўртада ва пастда бораётган жамоаларга қарши ўйинларда қийналмаяпти, юқори ўринлардаги жамоаларга қарши баҳсларда кўп очко йўқотмоқда.

- Унақа кўп очко йўқотмадик. Иккинчи давра энди бошланди. ОКМК, "Динамо"га қарши ўйинларда ғалаба бизга насиб қилмаган экан. Кейинги баҳсларда ғалаба учун майдонга тушамиз. Чемпионлик пойгасидан чиқиб кетганимиз йўқ. Ҳали бу йўлда курашамиз.

- "Пахтакор"нинг ғалабасига энг катта сабаб нимада?

- Ўйинга яхши тайёргарлик кўрдик. Ғалаба учун ўйнадик. Мураббий берган кўрсатмаларни бажардик.