Иан Райт: "Артета нега Виллиан, Колашинац ва Мустафини майдонга туширяпти?"

Райт жамоа бош мураббийи Микель Артетанинг Сеад Колашинац, Виллиан ва Шкодран Мустафига ишонишда давом этаётганидан ҳайратда эканлигини билдирди.

"Менинг назаримда, мураббий ишониш мумкин бўлган ўйинчиларда адашяпти. Жо Уиллок ва Уильям Салибага имконият берган афзалроқ ва бу аниқ кўриниб турибди. Агар Виллианнинг ўйинига назар ташласангиз, у муҳим ўйинчи эмаслигини англаб етасиз. У нега ўйнамоқда? Колашинац нега майдонга тушмоқда? Нима учун Мустафини ўйинга тушириш керак?

Мен бошқа одамларни ва бошқача ўйин кўришни хоҳлайман. Месут Ўзилга пулини беринг ва у жамоани тарк этсин. Худди шу нарса Колашинац ва жамоага ёрдам бермаётган бошқа футболчиларга тегишли.

"Арсенал" футболчилари вазият жиддийлигини тушунишлари лозим. Агар жамоа "Брайтон" ва "Вест Бромвич"га ютқазса, ҳолат янада ёмонлашиши мумкин. "Арсенал" ушбу учрашувларда ғалаба қозониши керак", – дейди Райт.