Ҳамиджон Актамов: "Бу йил фойдаси тегадиган ҳужумчи топа олмадик"

"Чемпионатнинг сўнгги турини тугатиб олдик, дуранг ўйинга мос бўлмади албатта. Жуда кўп вазиятлар яратдик, афсуски улардан фойдалана олмадик. Бу йил ҳужум чизиғи бўйича қийналдик, фойдаси тегадиган ҳужумчи топа олмадик. Ҳужумчилар бор, омади келмаяпти.

7 декабрь куни "Бунёдкор"га қарши энди кубок доирасида ҳам ўйнаймиз. Насиб қилса ғалаба қозонамиз", - дейди Актамов.

- Чемпионат якунлари бўйича қандай фикрдасиз?
- Ҳозирча мавсум якуни бўйича ҳеч нима дея олмайман. Сабаби олдинда кубок баҳслари бор. Шундан кейин ўз фикрларини билдиришим мумкин.

- Кейинги мавсум Нестеровни "Қизилқум"да кўрамизми?
- Кубокни ҳам тугатиб олайлик, умид қиламизки Нестеров жамоамизда қолади.

- Кубокда асосий таркибни майдонга туширасизми ёки ёшларга имконият бериладими?
- Йўқ, кубок баҳслари битта ўйиндан иборат, ютқазган мусобақани тарк этади. Шундай экан ўша кунги энг кучли таркибни майдонга туширамиз.