Ҳамид Актамов: "Фарғона аҳлига раҳмат"

- Қизиқарли ўйин бўлди, - деб гап бошлади Хамид Ғуломович – Ҳар иккала жамоа ҳам чиройли футбол кўрсатишди. Фақат ҳакамларнинг хатоси ўйинга таъсир қилди. Ёрдамчи ҳакам чиройли ўйинни бузди. Йигитларнинг бугунги ҳаракатлари учун узр сўрайман. Турнирдаги баҳсларда ҳакамлар кўп бора бизнинг зараримизга қарорлар қабул қилишди. Бу эса футболчиларга қаттиқ таъсир қилди.

- “Нефтчи”дан кимни ўйини сизга ёқди ?

- Фарғоналиклардан Абдумавлон Абдужалиловни ўйини ёқди.

- Пенальтидан сўнг  “Қизилқум” футболчилари ўйинни якунламай майдонни тарк этишни бошлашди.  Бу мухлислар учун ҳурматсизлик эмасми?

- Ўйиндан олдин  йигитлар билан гаплашдик. Чиройли ўйин кўрсатишларини уқтиргандим. “Нефтчи”га ҳам натижа кераклигини билардик. Фақат ўйинда бош ҳакам “пенальти эмас”, деди, ёрдамчи ҳакам “қўлига тегди”, деб байроқча кўтарди. Бу майдонда тер тўкиб ҳаракат қилаётган футболчиларга салбий таъсир қилиши аниқ. Йигитлар майдондан чиқиб кетаётганда индамадим. Кейин Тоҳир ака Кападзедан, ҳакамлар адолатли ўйинни бошқаришларини сўрадим. Жуда қизиқ ўйин бўлаётган эди. Фарғоналик мухлисларга раҳмат. Қаранг, бугун стадион трибуналари тўлди! Ёрдамчи ҳакам эса ҳаммасини бузди.

- Турнир ҳақидаги фикрингизни тингласак.

- Турнир жуда чиройли ўтди.  Айниқса биринчи лига клублари менда ижобий таассурот қолдирди. "Цементчи” менга энг мақул келган жамоа бўлди. Қувасойликлар таркибидан бир-неча нафар футболчиларни “Қиилқум”га таклиф қилдик. Мана Фарғонани ўзида улар билан шартнома қилишга ҳам улгурдик, - деди “Қизилқум” бош менежери.