Гвардиола Артетанинг “Арсенал”га ўтишига изоҳ берди
21 дек 2019 01:54
Янгиликлар

Гвардиола Артетанинг “Арсенал”га ўтишига изоҳ берди

“Манчестер Сити” бош мураббий Хосеп Гвардиола ёрдамчиси Микел Артетанинг Лондоннинг “Арсенал” клубига бош мураббий этиб тайинланишига ўз муносабатини билдирди.

“Микел “Манчестер Сити” учун ажойиб мураббий эди. У бутун борлиғини ўз ишига бахш этган ва меҳнатсеварлиги, футболга бўлган қарашлари билан яхши таассурот қолдирганди. Артета клубнинг сўнгги йиллардаги муваффақиятларига салмоқли ҳисса қўшди. Биз барчамиз унга янги лавозимда омад тилаймиз. У бу ишда ишлашга тайёр, деб ўйлайман”, дея Гвардиоланинг сўзларидан иқтибос келтирмоқда “Манчестер Сити” клуби матбуот хизмати.

Артета 2016 йилнинг ёзида Гвардиоланинг мураббийлар штабидан жой олганди. Бу вақт оралиғида “шаҳарликлар” икки мартадан Англия чемпионлиги, Лига кубоги ва мамлакат Суперкубогида ғолиб чиқишди. Шунингдек, Англия кубоги ҳам бир марта “Манчестер Сити” музейига йўл олди.

Ҳавола :

Манба : "Манчестер Сити" матбуот хизмати

Янгиликларни Телеграмда ўқинг!

Рейтинг: +22