Гвардиола Агуэронинг жамоадаги аҳамияти ва унга ўринбосар топиш осон бўлмаслиги ҳақида

Ҳужумчининг "шаҳарликлар" билан амалдаги шартномаси 2021 йилнинг ёзида ниҳоясига етади.

"Унга ўринбосар топиш энг қийин вазифалардан бири бўлади. У биз учун алмаштириб бўлмас ўйинчи. Янги форвард келиши мумкин, лекин Агуэро ўзгартириб бўлмас. Клуб учун энг муҳим палла, хатто Чемпионлар лигасидаги эҳтимолий ғалабадан ҳам муҳимроқ бу - Агуэронинг КПР дарвозасига киритган чемпионлик голи. Ўша муваффақият бир мавсумда тўртта соврин ютгандан кўра қадрлироқ. Эртами ёки кеч Агуэро кетади, буни унинг ўзи ҳал қилади. Унинг ўрнига футболчи топиш осон бўлмайди", - деди Гвардиола "Goal.com" нашрига берган интерьвюсида.