​Гризманн: "Тер Штеген биз учун ярим ҳимоячидек"

"Биз ажойиб учрашувимизни ўтказишни истагандик. Воқеаларга бой биринчи бўлимни ўтказдик, умуман олганда тайм биз учун ёмон якунланмади. Месси ва Суареснинг ўйинларини алоҳида таъкидлаган бўлардим. Қўлга киритилган ғалабадан хурсандмиз. Бироқ тўхтаб қолиш ниятимиз йўқ, чунки ҳали мавсум олдинда. "Атлетико"да ҳужумнинг ҳар бир эпизодигача яхши тушунардим. Бу ернинг тактикасига ҳозиргача кўникиб бўлганим йўқ.

Тер Штегеннинг паси? Агарда адашмаётган бўлсам, дарвозабон пас ошириб берган илк голим эмас. "Реал Сосьедад"да Клаудио Браво ҳам менга голли пас узатганди. Бироқ Марк-Андре ажойиб, у таркибимизда ярим ҳимоячидек ўйнайди. Ҳа, идеал узатма бўлди", - деди Гризманн.