Гари Линекер BBC эфирларидан четлаштирилди

BBC компанияси Линекерни "Match of The Day" дастури бошловчиси бўлиш ҳуқуқидан маҳрум қилди. Собиқ футболчи, бугунги кунда эса эксперт сифатида фаолият юритаётган Линекер Британия ҳукуматини Буюк Британиядаги нолегал муҳожирлар бўйича қонун лойиҳаси учун танқид остига олди. Англиялик афсона бундай одамларга бошпана берилмаслиги ва келажакда унга ташриф буюриш тақиқланган ҳолда мамлакатдан чиқариб юборилишини ҳайратланарли деб ҳисоблайди.

BBC Линекернинг позицияси бўйича унга танбеҳ бермаган. Компания Гарининг четлаштирилиши вақтинчалик эканлигини ва унинг ижтимоий тармоқлардаги фаолияти тартибга солинмагунча давом этишини таъкидламоқда.