Футзал. Соломон терма жамоаси сардори: "Мен Аргентина футбол терма жамоасини ва Лионель Мессини яхши кўраман"

"Авваламбор Колумбияга ушбу ажойиб турнир учун миннатдорчилик билдираман. Сизга бир нарсани айтмоқчиман. Биз ўйнайдиган вақтда мамлакатимиздаги касалхоналар, мактаблар ишламай турди. Улар бизни жудаям яхши кўришади. Кичик бола ва қизлар бизнинг ўйинимизни кўришни истади. Бу мен ва жамоадаги бошқалар учун жуда катта куч беради ва яхшироқ ўйнашга ундайди. Аргентина ёки бошқа терма жамоалар ўйинини футзалчиларнинг яқинлари томоша қилиши мумкин, аммо Соломон оролларида ҳар бир инсон ишини тўхтатиб, бизнинг ўйинни кўради. Бундан фахрланамиз ва жудаям бахтлимиз. Биз учун натижа эмас, мухлислар эътибори муҳим. Мен Аргентина футбол терма жамоасини ва Лионель Мессини яхши кўраман. Биз ушбу мундиалда аргентиналиклар билан ўйнадик ва улар билан ёнма-ён турдик. Бу соломонликлар учун орзу, тарихдир. Сиз учун уларга қарши ўйнаш оддий нарса бўлиб туюлиши мумкин, аммо биз учун бу фантастика. Мураббийларимиз доимо "қаердан келганингизни унутманг" деб айтади", - дейди жамоа сардори.