Мамлакатимизнинг амалдаги чемпиони "Олмалиқ" чемпионат олдидан таркибини бир қатор ўйинчилар билан кучайтириб олди. Аввалроқ Артур Юнусов, Фарҳод Абдумавлонов ва Дилшод Ирсалиевларни таркибга қўшиб олган олмалиқликлар яқинда Сарвар Шоаҳмедовни ҳам жалб қилишди. 2 мавсум "Локомотив"да тўп тепган Сарвар янги мавсумни Александр Петров қўл остида ўтказади.
Эслатиб ўтамиз, яқинда якунига етган "Ассоциация кубоги" мусобақасида Шоаҳмедов Бекободнинг "Металлург" клубида ўйнаган эди.
