Футзал: Ўзбекистон терма жамоаси бугун Японияга учиб кетади

Хосе Мария Мендез шогирдлари 10 ва 11 ноябрь кунлари Япония терма жамоасига қарши ўртоқлик ўйинларини ўтказишади. Ушбу ўйинлар учун бош мураббий 15 нафар футзалчини Японияга олиб кетади. 

Японияга борадиган футзалчилар рўхати:

Дарвозабонлар: Рустам Умаров, Акмал Хазратқулов
Ўйинчилар: Артур Юнусов, Фарҳод Абдумавлонов, Жавлон Аноров, Даврон Чориев, Константин Свиридов, Дилшод Раҳматов, Андрей Шлема, Илҳом Ҳамроев, Нодир Элибоев, Феруз Фахриддинов, Суннат Куралов, Жамолиддин Шарипов, Дилшод Ирсалиев.

Терма жамоа делегацияси бугун Тошкент вақти билан соат 21:20да Тошкент-Сеул-Нагоя йўналиши бўйича учиб кетади.

Таъкидлаш керакки, Ўзбекистон футзал терма жамоаси ҳозирги вақтда келаси йили Тошкентда бўлиб ўтадиган Осиё чемпионатига тайёргарлик жараёнини олиб бормоқда. Осиё Чемпионати 2016 йилнинг 10 — 21 февраль кунлари бўлиб ўтади.