Futzal. O'zbekiston Kubogi: chorak finalga faqat bitta yo'llanma qoldi

18 dekabr, chorshanba kuni futzal bo'yicha O'zbekiston Kubogi 1-bosqich Sharq mintaqasi 2-tur uchrashuvlari bo'lib o'tdi. Uchrashuvlar yakuniga ko'ra, to'rt jamoa muddatidan avval chorak final bosqichi yo'llanmasini qo'lga kiritdi.
A guruhidan Maksam-Chirchiq va Lokomotiv keyingi bosqichga chiqqan bo'lsa, V to'rtligida Ardus va O'zSQB raqiblariga hech qanday imkoniyat qoldirmadi.
Shunday qilib, sharqiy mintaqada chorak finalda ishtirok etish huquqini taqdim etadigan faqat bitta bo'sh yo'llanma qoldi. Ushbu yo'llanma egasi nomi guruhlarda uchinchi o'rinni egallagan jamoalar o'rtasidagi pley-off uchrashuvidan so'ng ma'lum bo'ladi.

19 dekabr, payshanba
10:30 Jizzax – Paxtakor
12:15 Maksam-Chirchiq – Lokomotiv
14:00 Istiqlol – Bunyodkor
15:45 O'zSQB – Ardus

20 dekabr, juma
15:00 5-o'rin uchun pley-off o'yini

A guruhi 3-jamoasi – V guruhi 3-jamoasi
Eslatib o'tamiz, O'zbekiston Kubogi G'arb mintaqasidan Kogon, Nasaf va Do'stlik-AIN jamoalari chorak finalga chiqqan.

18 dekabr, chorshanba
Lokomotiv – Jizzax 12:0
Paxtakor – Maksam-Chirchiq 2:11
Ardus – Istiqlol 15:3
Bunyodkor – O'zSQB 1:8

17 dekabr, seshanba
Lokomotiv – Paxtakor 4:1
Jizzax – Maksam-Chirchiq 0:18
Ardus – Bunyodkor 2:1
Istiqlol – O'zSQB 3:9