Футзал. Амалдаги чемпион АГМК пешқадам "Пахтакор"ни йирик ҳисобда таслим қилди ГАЛЕРЕЯ
15 окт 2020 18:42
Янгиликлар

Футзал. Амалдаги чемпион АГМК пешқадам "Пахтакор"ни йирик ҳисобда таслим қилди ГАЛЕРЕЯ

Шу кунларда футзал бўйича XXIV Ўзбекистон чемпионатининг 6-тур беллашувлари бўлиб ўтмоқда.

Учрашувларга Тошкентдаги "Ўзбекистон" спорт мажмуаси мезбонлик қилмоқда. Бугун турнинг марказий тўқнашуви бўлиб ўтди. Унда айни пайтдаги пешқадам "Пахтакор" амалдаги чемпион АГМК билан куч синашди. Баҳсда ҳисобни "шерлар" очишди. 3-дақиқада Суннатилла Жўраевнинг жаримадан тепган зарбаси Рустам Умаров дарвозасидан жой олди. Шундан кейин таблода фақат АГМК номи остидаги рақам ўзгарди. Яъни, Александр Петров шогирдлари 5 бор тошкентликлар дарвозасини ишғол қилишди. Одатда катта ўйинларни катта ўйинчилар ютишади. Бугун ҳам шундай бўлди. 1-бўлимда ҳисоб 1:1 бўлиб турган бир пайтда олмалиқликлар кипери Рустам Умаров икки бор дабл пенальтини қайтарди ва жамоасини ғалаба учун курашда сақлаб қолди.

Чемпионатнинг марказий ўйинидан суратларни сайтимизнинг махсус бўлими орқали томоша қилишингиз мумкин. >>>>> ФОТОГАЛЕРЕЯ

Фото: Толибжон Қосимов

Футзал

XXIV Ўзбекистон чемпионати, 6-тур

15.10.2020, "Ўзбекистон" спорт мажмуаси

Ҳакамлар: Анатолий Рубаков, Шавкат Мухитдинов, Ҳушнуд Атамуродов.

"Пахтакор" - АГМК 1:5

Голлар: С.Жўраев 3 - Д.Валижонов 14, Д.Чориев 22, 37, А.Ибрагимов 33 (автогол), А.Раҳматов 37

Амалга оширилмаган дабл пенальтилар: А.Абдувалиев 18, Ф.Фахриддинов 19

"Пахтакор" (биринчи бешлик): 13.Акмал Хазратқулов, 7.Суннатилла Жўраев, 8.Фарҳод Абдумавлонов, 14.Константин Свиридов, 27.Феруз Фахриддинов.

Захира: 1.Равшан Элибоев, 3.Машраб Одилов, 9.Дилмурод Шавкатов, 11.Авазбек Абдувалиев, 18.Илҳом Ражабов, 23.Шерзод Мустафоев, 77.Алишер Ибрагимов, 99.Муҳаммад Зоиров.

АГМК (биринчи бешлик): 1.Рустам Умаров, 5.Илҳом Ҳамроев, 6.Абдулла Солиҳов, 8.Ҳусниддин Нишонов, 22.Анасхон Раҳматов.

Захира: 12.Акобиржон Шокиржонов, 2.Аббосбек Ўлмасбеков, 3.Темур Бердиев, 4.Ихтиёр Ропиев, 7.Даврон Абдураҳмонов, 9.Алан Аминов, 10.Даврон Валижонов, 15.Пўлат Олимов, 17.Музаффар Аҳаджонов, 19.Даврон Чориев.

Огоҳлантириш: Д.Валижонов 18