Фомин билан Чипев ҳам энди "Бухоро"да ўйнайди

Олинган маълумотларга кўра, ҳимоячи Максимилиан Фомин билан Николай Чипев ҳам бухороликлар билан расмий келишувга эришган.

ОТЖга номзод футболчилардан бири Фоминнинг бу олий лигадаги бешинчи жамоаси бўлади. Чемпионатимизда бу йил дебют мавсумини ўтказаётган Чипев ҳам иккинчи даврани яна Агамуродов жамоасида ўтказишга қарор қилди. Ушбу футболчиларнинг мавсум сўнггига қадар "Бухоро" билан шартнома имзолагани ҳақида маълумотлар бор.

Дарвоқе, яқинда самарқандликлар билан хайрлашган Азиз Ибрагимов "Бухоро" йиғинига бориб қўшилганди. Ушбу футболчи ҳам яқин орада шартнома имзолайди.