Фарғонада “Ёз – ўтмоқда соз!” шиори остида мусобақа ўтказилди

Ўзбекистон Республикаси Президентининг 2018 йил 16 мартдаги ПҚ-3610-сонли “Футболни янада ривожлантириш чора-тадбирлари тўғрисида”ги қарори ижросини таъминлаш мақсадида Фарғона туманида 15-19 июль кунлари 2004-2005 ва 2006-2007 йилларда туғилган болалар ўртасида очиқ турнир ўтказилди. 

Ўқувчиларнинг ёз мавсумини сермазмун ўтказиш, футбол мураббийлари ўртасида ўзаро тажриба алмашиш ҳамда болаларни футболга кенг жалб этишни ўз олдига мақсад қилган ушбу мусобақада 28 та жамоа таркибида 568 нафар болалар иштирок этдилар.

Футбол ассоциацияси, Фарғона тумани ҳокимлиги, вилоят жисмоний тарбия ва спорт бошқармаси билан ҳамкорликда ўтказилган ушбу турнир ғолиб ва совриндорларига ташкилотчилар ва ҳомийлар томонидан таъсис этилган қимматбаҳо ва эсдалик совғалари, кубок, диплом ва медаллар топширилди.