Фарғонада “Пахтакор-79” хотира турнири якунланди

Ўтказилган турнирда саккизта жамоа – “Нефтчи”, “Қўқон-1912”, “Истиқлол”, “Цементчи”, “Ифтихор”, “Ёзёвон лочинлари” ва “Атласчи” жамоаларининг 2005-2006 йилларда туғилган ёш футболчилари иштирок этди. 5 кун мобайнида ўтказилган болалар мусобақасида “Қўқон-1912” футбол академияси ёшлари ғолибликни қўлга киритдилар. Ғолиблар вилоят футбол ассоциацияси томонидан тақдирландилар. Тақдирлаш маросимида ёш футболчиларга пахтакорчиларнинг 1979 йилдаги фожиали ҳалокати ҳақида гапириб берилди. 

Шунингдек ушбу фожиали ҳалокат нафақат ўзбек футболида балки, жаҳон футболи учун ўчмас из қолдиргани таъкиблаб ўтилди. Ушбу ўйин орқали фарғоналик футбол жамоатчилиги марҳум пахтакорчилар ёрқин хотирасига ўз ҳурматини изҳор қилдилар. Ўйинлар “Истиқлол” стадиони футбол майдонида ўтказилди.