Фарғонада ўсмирлар ўртасида "Наврўз кубоги" футбол мусобақаси бўлиб ўтди
27 мар 2021 21:47
Янгиликлар
![](https://championat.asia/upload/storage/627731_original.jpg)
![](/upload/storage/627731_220.jpg)
Фарғонада ўсмирлар ўртасида "Наврўз кубоги" футбол мусобақаси бўлиб ўтди
Мазкур турнирни ташкил этишдан мақсад Ўзбекистон Республикаси Президентининг 2019 йил 4-декабрдаги "Ўзбекистон футболини ривожлантириш мутлақо янги босқичга олиб чиқиш чора тадбирлари тўғрисида"ги ҳамда 2020 йил 30-октябрдаги "Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида"ги Фармонлари ижросини таъминлаш, ўқувчи ёшларни ватанпарварлик руҳида тарбиялаш, улар ўртасида дўстона муносабатларни шакллантириш, иқтидорли ёшларни спортга жалб этиш ҳамда спортнинг футбол турини янада оммалаштириш, ўқувчи-ёшларнинг баҳорги таътил вақтларини мазмунли ўтказиш каби вазифаларни ўз ичига олади.
Мусобақалар Фарғона шаҳридаги 1-сонли болалар ва ўсмирлар спорт мактаби ҳамда вилоят футбол ассоциацияси қошидаги "Футбол маркази" майдонларида ташкил этилди. "Наврўз" кубоги мусобақасининг 2006-2007 йилларда туғилган ёш футболчилар ўртасидаги баҳсларда жами 12 нафар жамоа (216 нафар спортчи) иштирок этди. Якуний натижаларга кўра, мазкур ёш тоифасида "Ипакчи" (Фарғона) жамоаси биринчи ўринни қўлга киритди.
2008-2009 йилларда туғилган спортчи ёшлар ўртасидаги мусобақаларда жами 16 та жамоа (288 нафар спортчи) қатнашди ва якунда "Нефтчи" футбол мактаби ёшлари биринчи ўринга лойиқ деб топилдилар.
Мусобақа якунида иштирокчи жамоа ва ғолибларни тақдирлаш маросими ўтказилди. Ўзбекистон футбол ассоциацияси вакили Маъмур Саидқосимов, Фарғона вилояти футбол ассоциацияси биринчи вице-президенти Носир Отақўзиевлар иштирок этган тақдирлаш маросимида иштирокчилар ва ғолибларга турли даражадаги диплом, медал ва эсдалик совғалари топширилди.
Ўхшаш янгиликлар
![AMP Logo](https://championat.asia/image/logo-amp.png)
Фикрлар