Машҳур инсайдер Фабрицио Романонинг хабар беришича, тажрибали Каземиро фаолиятини "Галатасарой"да давом эттиради.
Аввалига, "қизил иблислар" ярим ҳимоячи билан ёзда хайрлашмоқчи эди, лекин кейинчалик у клубда қоладиган бўлиб, АПЛ дастлабки турларида (3 та ўйиннинг барчасида) асосий таркибда майдонга тушди. Бироқ 1 сентябрь куни "Ливерпул"га қарши учрашувдаги қўпол хатолар туфайли, раҳбариятнинг фикри кескин ўзгарди.
Натижада, Каземиро Туркия Суперлигасига кўчиб ўтадиган бўлди. Ҳозирча Каземиронинг "Галатасарой"га трансфери тафсилотлари маълум эмас.
