FA Гвардиоланинг Англия Кубогидаги тўп ҳақидаги шикоятларига жавоби: "У ФИФА талабларига мувофиқ синовдан ўтказилди"
03 мар 21:53
Янгиликлар

FA Гвардиоланинг Англия Кубогидаги тўп ҳақидаги шикоятларига жавоби: "У ФИФА талабларига мувофиқ синовдан ўтказилди"

FA Пеп Гвардиоланинг тўп ҳақидаги шикоятларига муносабат билдирди. Эслаб ўтамиз, Англия Кубогининг 1/8 финалида "Плимут" устидан қозонилган ғалаба (3:1)дан сўнг "Манчестер Сити" бош мураббийи ушбу турнирда қўлланиладиган тўп сифатини танқид қилган эди.

Англия Футбол Ассоциацияси (FA) вакили испаниялик мутахассиснинг баёнотларига изоҳ берди:

"Англия Кубоги ва FAнинг бошқа барча мусобақаларида қўлланиладиган Mitre Ultimax Pro тўпи ФИФА талабларига мувофиқ синовдан ўтказилди.

Профессионал футболда ишлатиладиган барча тўплар ФИФА Quality Pro аккредитациясига мувофиқ бўлиши керак, ва бу тўп барча синов талабларига жавоб беради.

Mitre сингари, биз ҳам афзалликлар субъектив эканлигини тушунамиз, лекин биз тўпнинг яхши ишлашига ишончимиз комил. Ҳозиргача мусобақада 350 дан ортиқ гол урилди, бу эса бундай юқори рақобатли турнирга ҳаяжонли хусусият бағишлайди" – дейилди FA томонидан.

Ҳавола :

Манба : The Independent

Янгиликларни Телеграмда ўқинг!

Рейтинг: -2