"Эвертон" "Манчестер Сити" футболчисини ижарага олмоқчи
14 окт 2025 13:59
Янгиликлар

"Эвертон" "Манчестер Сити" футболчисини ижарага олмоқчи

"Эвертон" раҳбарияти "Манчестер Сити" билан англиялик ярим ҳимоячи Кэлвин Филлипсни қишки трансферлар вақтида ижарага олиш борасида келишувга эришмоқчи.

"Football Insider" хабарига кўра, мерсисайдликлар жорий мавсум "шаҳарликлар"да умуман ўйнамаган 29 ёшли англиялик футболчини ижарага олмоқчи. Ярим ҳимоячи Хосеп Гвардиоланинг режаларига киритилмаган.

Қайд этиш жоиз, Филлипс сўнгги мавсумларда ижара асосида "Ипсвич" ва "Вест Хэм" жамоаларида ўйнаган. Мутахассислар ҳозирда унинг трансфер қийматини 12 миллион еврога баҳоламоқда.

Эслатиб ўтамиз, Филлипс ўтган мавсум "Ипсвич" сафида Англия чемпионатида 19 ўйин ўтказиб, 4 та сариқ ва 1 та қизил карточка олган.

Ҳавола :

Манба : Football Insider

Янгиликларни Телеграмда ўқинг!

Рейтинг: +2