Эслаб қолинг - Саидумархон Саиднуруллаев

Бу ёшлар орасида Саидумархон Саиднуруллаев номини яхшилаб эслаб қолишни тавсия қиламан.

2005 йил 13 апрель куни Андижон вилоятида туғилган футболчи ўтган мавсум охирида Суперлигада "Турон" ва "Бунёдкор" билан ўйинларда захирадан майдонга тушган. U-21 Биринчилигида эса 21та ўйинда 9та гол урган ва "Пахтакор" тўпурари бўлганди.

Айни пайтда Туркиядаги йиғинда иштирок этаётган Саидумархон Саиднуруллаев Арманистоннинг "Пюник" ва Украинанинг "Колос" клублари билан ўйинларда иккита гол урди. Максим Шацких 2024 йилги мавсумда Саиднуруллаевни жуда катта эҳтимол билан асосий таркибда ўйнатади. Бу футболчи кўпроқ ҳужумчи ортида ҳаракат қилади.

Футболчининг статистикаси
2022 йил, U-19 чемпионати
13та ўйин, 10та гол

2022 йил, U-21 биринчилиги
10та ўйин, 6та гол

2023 йил, U-19 чемпионати
1та ўйин, 1та гол

2023 йил, U-21 биринчилиги
21та ўйин, 9та гол

2023 йил, Суперлига
2та ўйин

Ҳозирча 18 ёшли йигитчада машина йўқ. Лекин негадир клубдагилар уни "Mazda" деб чақиришади. Бунга унинг қалин қошлари сабаб шекилли. Саидумархонга фаолиятида омад тилаймиз ва тез орада "Mazda" сотиб олишни тилаймиз.