Эшли Коул Англия терма жамоасидаги фаолиятини якунлайди

33 ёшли футболчи бундай қарорга ЖЧ-2014нинг якуний таркибига кирмаганидан кейин келди.

"Менга Рой Хожсон қўнғироқ қилди. Ва биз ёшларга йўл беришга қарор қилдик.

Ўйлайманки, ҳозир термадаги фаолиятимни якунлашимнинг айни палласи. Бизда аъло даражадаги мураббий, ажойиб терма жамоа бор. Уларга фақат ғалаба тилайман. Мухлис сифатида қўллаб-қувватлаб тураман. Барчаси учун рахмат", - деб ёзади футболчи ўз твиттерида.

The Telegraph маълумотларига кўра, Коулнинг ўрнига Англия терма жамоаси рўйҳатига "Саутгемптон"нинг 18 ёшли футболчиси Люк Шоу киритилади.