Эшитдик-да! "Навбаҳор" ЖЧ-2022'да ўйнаган футболчига қизиқиш билдирмоқда
21 дек 2022 19:10
Янгиликлар

Эшитдик-да! "Навбаҳор" ЖЧ-2022'да ўйнаган футболчига қизиқиш билдирмоқда

Наманган клуби ўз таркибини легионерлар эвазига кучайтирмоқчи.

"Навбаҳор" клуби янги мавсум учун ҳаракатни бошлаб юборишган. Championat.asia сайтининг маълумотларига кўра, "лочинлар" Эроннинг "Истиқлол" клуби чап қанот ҳимоячиси Абулфазл Жалолига қизиқиш билдирмоқда.

24 ёшли футболчи Эрон терма жамоаси сафида Қатарда бўлиб ўтган жаҳон чемпионатида иштирок этди ҳамда АҚШга қарши ўйинда захирадан майдонга туширилди.

Жалоли бунгача "Сайпа" клуби шарафини ҳам ҳимоя қилган. Футболчининг "Истиқлол" билан амалдаги шартномаси 2024 йилнинг ёзига қадар амал қилади.

Transfermarkt портали эронлик ҳимоячини 400 минг еврога баҳолаган.

Эслатиб ўтамиз, аввалроқ "Навбаҳор" Фарруҳ Икромов билан шартнома имзолагани ҳақида хабар берилганди.