Эшитдик-да! "Андижон" асосий посбони ва мураббийига жавоб бериб юборди

Кетма-кет муваффақиятсизликлардан кейин жамоада ўзгаришлар юз бермоқда. Ҳали мавсумнинг биринчи қисми тугамасиданоқ, "бургутлар"нинг асосий посбони бўлган Низомиддин Зиёвутдинов жамоани тарк этган. Олинган маълумотларга кўра, "Андижон"нинг қониқарсиз натижаларида бош айбдор деб 23 ёшли дарвозабон топилган. Шу сабабли клуб раҳбарияти "Локомотив" билан ўйиндан олдин Зиёвутдиновга жавоб берган.

Ундан ташқари U-21 жамоасини бошқариб келган мураббий Шерзод Шариповга ҳам очиқ эшиклар кўрсатилди.

"Локомотив"дан учралган мағлубият эса бош мураббий Отабек Ғуломхўжаев учун огоҳлик қўнғироғи бўлди. Бугунги мағлубият бош мураббийнинг курсисини янада қимирлатиб юборди.