Эрон спорт вазири етти нафар футболчини ҳарбий хизматдан озод қилишларини сўради
14 июл 2018 16:14
Янгиликлар

Эрон спорт вазири етти нафар футболчини ҳарбий хизматдан озод қилишларини сўради

Теглар : Эрон

Эрон спорт вазири Масъуд Солтанифар терма жамоанинг 7 нафар футболчисини ҳарбий хизматга юбормасликка рухсат берилишини сўраб Эрон қуролли кучлари департаментига мурожаат этди.

Вазирнинг фикрича, терма жамоанинг етти нафар футболчиси - Сардор Азмун, Сайид Эзатолаҳи, Алиризо Бейранвард, Мажид Ҳоссайни, Али Голизаде, Алиризо Жаҳонбахш ва Меҳди Тораби ҳарбий хизматга боришмаса ҳам бўлади, чунки улар жаҳон чемпионати иштирокчилари ҳисобланади.

Маълумки, Эронда ҳарбий хизматни ўташ ҳар бир фуқаронинг мажбуриятига киради ва бу муддат икки йилни ўз ичига олади. Аввалроқ Олимпиада ва Осиё ўйинларида медал ютган ҳамда жаҳон чемпионатида қатнашган спортчиларнинг ҳарбий хизматдан озод қилиниши айтилганди.

Спорт вазирининг айтишича, агар бу футболчилар икки йиллик хизматга олиб кетиладиган бўлса, унда терма жамоа қийналиб қолади ва Осиё Кубогида кўзланган мақсадга эриша олмайди.

Ҳавола :

Манба : tehrantimes.com

Янгиликларни Телеграмда ўқинг!

Рейтинг: +4