Эрон нашрлари Машарипов жароҳати жиддий деб ёзишмоқда. Футболчи бу саволга ўзи жавоб берди
04 авг 23:32
Янгиликлар

Эрон нашрлари Машарипов жароҳати жиддий деб ёзишмоқда. Футболчи бу саволга ўзи жавоб берди

Жалолиддин Машариповнинг жароҳати оғирми ёки у тез орада майдонга қайтадими?

Эроннинг бир қатор нашрлари Ўзбекистон терма жамоаси ҳамда "Истиқлол" ярим ҳимоячиси Жалолиддин Машарипов жароҳати ҳақида турли маълумот тарқатмоқда. Биз футболчи билан боғланиб, унинг саломатлиги борасида маълумот олдик.

Жалолиддин Машарипов: "Клубим билан Туркиядаги йиғинда кичик жароҳат олганим рост. Ваҳимали ҳеч нарса йўқ. Тахминан 10 кун даволанаман. 10-август кунги Эрон Суперкубоги учун баҳсни ўтказиб юбораман. 19-август кун чемпионат старт олади ва худо хоҳласа 1-турда сафга қайтаман. Насиб қилса терма жамоа йиғинига тўлиқ тайёр бўламан".

Ҳавола :

Манба : championat.asia

Янгиликларни Телеграмда ўқинг!

Рейтинг: +9