Эрик Байи йўл транспорт ҳодисасига учрагани сабабли "Шеффилд"га қарши ўйинда қатнашмаган

Манкунианликлар бош мураббийи Оле-Гуннар Сульшер учрашувдан олдин клуб матбуот хизматига Байининг ўйинда қатнашмаслигини, яқин вақтлар ичида у сафга қайтишини маълум қилган. Бироқ сабабини очиқламаганди.

Бугун журналист Данкан Каслзнинг твиттерида берган маълумотига кўра, Байи кичик машина авариясига йўлиққан. Унинг таъкидлашича, Эрик автомобил бошқарувида бўлмаган ва тан жароҳати олмаган.